Abgül Süleymanovun «kars»a salındığı bildirilir
İslamçı fəal, ruhani Abgül Süleymanovun karsa salındığı bildirilir. Bu haqda Turan-a onun yaxınları məlumat veriblər.
Yaxınlarının sözlərinə görə, Abgül Süleymanov martın 6-da cərimə kamerasına salınıb. Onun cəzalandırılmasına Masallıda həbs olunan ilahiyytaçı Sərdar Hacıhəsənli ilə bağlı bəyanat yaymasının səbəb olduğu bildirilir.
A.Süleymanovun sözügedən bəyanatı bir neçə gün əvvəl mediada yayılmışdı. O, hamını həbs olunan ilahiyyatçının müdafiəsinə çağırmışdı.
Qobustandakı cəzaçəkmə müəssisəsindən ruhaninin cərimə kamerasına salınması barədə məlumat verməyiblər. Müəssisədən “bu haqda məlumatıları olmadığını" bildiriblər.
Xatırladaq ki, ruhani A.Süleymanov 2011-ci il avqustun 11-də MTN əməkdaşları tərəfindən Lahıcda - qayınatasının evində həbs edilib. O, bir il sonra Bakı Ağır Cinayətlər Məhkəməsinin hökmü ilə 11 il azadlıqdan məhrum edilib. A.Süleymanova qarşı Cinayət Məcəlləsinin 5 maddəsi ilə ittiham olunub. O, zor tətbiq etməklə irqi, sosial və ya dini nifrət və düşmənçilik salma, ictimai qaydaları pozma, qanunsuz olaraq külli miqdarda narkotik və odlu silah saxlamada ittiham olunurdu. -05C-
-
- Cəmiyyət
- 7 Mart 2017 17:09
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz