ABŞ-ın Daxili Gəlirlər Xidməti və Azərbaycan Vergilər Nazirliyi məlumatların təhlükəsizliyini müzakirə edib
Avqustun 28-29-da Vergilər Nazirliyində Amerika Birləşmiş Ştatlarının Daxili Gəlirlər Xidmətinin nümayəndə heyəti ilə “Məlumatların təhlükəsizliyinin təmin edilməsi və İnfrastrukturu” mövzusunda görüş keçirilib. Bu barədə Vergilər Nazirliyinin rəsmi saytı məlumat yayıb.
Məlumatda deyilir ki, vergilər nazirinin birinci müavini Natiq Əmirov gəlirlərin gizlədilməsi və vergidən yayınma ilə mübarizə aparılmasında FATCA ilə Vergilər Nazirliyinin birgə gördüyü işlərin əhəmiyyəti və mövcud vəziyyət barədə görüş iştirakçılarına məlumat verib.
Görüşdə həmçinin məlumatların təhlükəsizliyinin təmin edilməsi tədbirləri və infrastruktur üzrə iş kitabının məqsədləri, normativ-hüquqi baza, informasiya təhlükəsizliyinin idarə edilməsi, nəzarət və icranın təmin edilməsi məsələləri müzakirə edilib.
Tərəflər qarşılıqlı məlumat mübadiləsi ilə əlaqədar üzərlərinə düşən bütün öhdəlikləri yerinə yetirəcəklərini bildirib.
FATCA adlandırılan Xarici Hesablar üzrə Vergi Əməletməsi Aktı (Foreign Account Tax Compliance Act) ABŞ Konqresi tərəfindən 18 mart 2010-cu ildə qəbul edilib və 1 yanvar 2013-cü ildə qüvvəyə minib. Bu Akt ABŞ vətəndaşları və digər vergi ödəyicilərindən onların başqa dövlətlərdə olan maliyyə hesabları haqqında, xarici maliyyə institutlarından özlərinin bu cür müştəriləri haqqında məlumatların ABŞ-ın Daxili Gəlirlər İdarəsinə (İRS) açıqlanmasını tələb edir. FATCA-nın əsas məqsədi ABŞ vergi ödəyiciləri tərəfindən vergidən yayınmaya qarşı mübarizə və federal vergi gəlirlərinin artırılmasıdır.-03D-
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz