ABŞ səfiri Amerikada təhsil alacaq şagirdlərlə görüşüb
Bu gün Amerika səfirliyində səfir Riçard Morninqstarın FLEX (Gələcək Liderlərin Mübadilə Proqramı) proqramı çərçivəsində 2014-2015-ci tədris ilində Amerikanın müxtəlif bölgələrində təhsil alacaq 31 Azərbaycan məktəblisi ilə görüşü olub.
FLEX orta məktəb şagirdləri (9, 10 və 11-ci sinif) üçün nəzərdə tutulub. Proqramın qalibləri ailədə yaşamaq və orta məktəblərdə bir il təhsil almaq imkanı əldə edirlər. Proqramda iştirak etmək üçün heç bir xərc tələb olunmur, bütün xərcləri Amerika hökuməti ödəyir. Qaliblər müsabiqə əsasında seçilir.
31 nəfər qalib 2013-cü ilin sentyabr və oktyabr aylarında Azərbaycanın müxtəlif regionlarında keçirilən müsabiqələr zamanı seçilib.
Səfir Riçard Morninqstar bildirib ki, bu proqram hər bir şagirdə bir il ərzində Amerika ailəsində yaşayaraq ABŞ ilə şəxsən tanış olmaq imkanı verəcək. “Bu cür mübadilə proqramının üstünlüyü odur ki, ABŞ-da təhsil almı şagirdlər Azərbaycana qayıtdıqdan sonra dostları, tələbə yoldaşları, tanışları ilə söhbətlərdə Amerikanın necə olduğunu deyəcək. Eyni zamanda, ABŞ-dan Azərbaycanda təhsil alan şagirdlər də bu ölkə barəsində öz ölkəsində məlumat verir. Ölkələrimiz arasında qarşılıqlı anlaşmanın dərinləşdirilməsi baxımından bundan yaxşı ikinci bir proqram yoxdur”, deyə o qeyd edib. -03D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz