ABŞ-ın Azərbaycandakı səfiri Robert Sekuta keçmiş siyasi məhbus Nigar Yaqublunu ailə həyatı qurması münasibətilə təbrik edib. ABŞ səfiri həmçinin Müsavat Partiyası başqanının müavini, keçmiş vicdan məhbusu Tofiq Yaqublunu qızının ailə həyatı qurması münasibəti ilə təbrik edib.
Nigar Yaqublunun facebook səhifəsində yayımladığı təbrik məktubunda deyilir ki, siyasi məhbus ailəsi kimi ötən illər onlar üçün çətin olub.
“Azərbaycan hökumətinin hazırda həbsdə olan siyasi məhbusları, o cümlədən həyat yoldaşınızı azadlığa buraxması üçün işimizi davam etdirəcəyimizi bir daha təsdiqləmək istəyirəm”, deyə səfir Sekuta qeyd edir.
Xatırladaq ki, Nigar Yaqublu 2012-ci ildə həbs edilib, 2013-cü ildə azadlığa buraxılıb, onun atası Tofiq Yaqublu 2013-cü ilin yanvarında İsmayıllıdabaş baş verən hadisələrdən sonra həbs edilib və 2016-cı ildə əfv olunub.
Nigar Yaqublu bu günlərdə həbsdə olan “Azadlıq” qəzetinin şərhçisi, “Azərbaycan Saaatı” televiziya verişinin aparıcısı Seymur Həzi ilə ailə həyatı qurub. Seymur Həzi 2014-cü ilin avqustunda xuliqanlıq ittihamı ilə 5 il həbs edilib. -03D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz