ABŞ səfirliyi autizm və uşaqların inkişafı üzrə ekspertin məruzələrini təşkil edir

Bakı/06.03.18/Turan: Martın 1-də Corctaun Universitetinin əlil və xüsusi qayğıya ehtiyacı olan uşaqların inkişafı üzrə dünya səviyyəli tanınmış məsləhətçisi, professor Tobi Lonq Bakı Dövlət Universitetində Autizm Spektr Pozuntuları mövzusunda 170-dən çox iştirakçı qarşısında məruzə ilə çıxış edib. İştirakçıların əksəriyyəti psixoloq, aspirant və əlil uşaqlarla işləyən insanlar idi.

Dr. Lonqun növbəti ictimai məruzəsi 6 mart tarixində Baki Dövlət Universitetində "İnkişaf Pozğunluqları" mövzusunda keçirilib və erkən uşaqlıq dövründə müəyyən edilən ümumi inkişaf pozğunluqları və əlil uşaqlara, onların ailələrinə xidmət göstərilməsinə dair ümumi bir baxış təqdim edilib. Məruzədə inkluziv, ailə yönümlü, cəmiyyətə əsaslanan xidmət və dəstəyin zəruriliyi vurğulanıb.

Tobi Lonq Corctaun Universitetinin Pediatriya kafedrasının professoru və Uşaq və İnsan İnkişafı Mərkəzinin Tədris direktorudır. O, həmçinin Corctaun Universitetinin təqdim etdiyi Erkən Müdaxilədə Məzun Sertifikat proqramının da direktorudur. Dr. Tobi Lonq hazırkı səfərini tamamladıqdan sonra may ayında Bakı Tibb və Pedaqoji Universitetlərdə yerli həmkarları ilə işləmək üçün Bakıya qayıdacaq. -0-