ABŞ səfirliyi təhsil sərgisi keçirir

ABŞ-ın Azərbaycandakı səfirliyi və Bakı Təhsil Məlumat Mərkəzi (BTMM) noyabrın 1-də Amerika Təhsil Sərgisi keçirəcək. Sərgidə  məqsəd maraq göstərən bütün şəxsləri bir yerə toplayıb ABŞ universitetlərində təhsil alma imkanları haqqında lazımi məlumatla təmin etməkdir.

Tələbələr, şagirdlər, eləcə də valideynlər Birləşmiş Ştatlarda təhsil alan azərbaycanlı tələbələrlə, həmçinin  Amerika universitetlərinin nümayəndələri  ilə görüşə biləcək, onlara suallarla müraciət edə biləcəklər.

Yarmarkada 25 dən çox universitet və digər ödənişsiz təhsil proqramları təmsil olunacaq. Bu müəssisələrin nümayəndələri öz təhsil proqramları və fəaliyyətləri haqqında məlumat verəcəklər, həmçinin yarmarka iştirakçılarını materiallarla və bukletlərlə təmin edəcəklər.

Sərgi noyabrın 1-də  saat 16:00-dan 19:00-dək                                Qafqaz Baku City Otelinin Şamdan zalında (Tbilisi prospekti, 34) olacaq. 

Əlavə məlumat üçün  Bakı Təhsil Məlumat Mərkəzinə Ramila Verdiyevaya müraciət edə bilərsiniz:

Caspian Business Center

Cəfər Cabbarlı 40

Tel/faks: (994 12) 448-28-45; 448-28-46

E-mail: office@beic.az