AÇG-də Azərbaycanın payına düşən neftin orta qiyməti 14 ildə $74,43 olub

Dünən ARDNŞ-nin I vitse-prezidenti Xoşbəxt Yusifzadə ictimaiyyətə məlumat verib ki, “Azəri-Çıraq-Günəşli” yatağında hasilat başlayandan  (7 noyabr 1997 – red) 1 oktyabr 2013-cü ilə kimi Azərbaycana nə qədər mənfəət nefti çatıb. 

Məlumata görə, 318 mln ton satılan neftin 165 mln tonu Azərbaycanın mənfəət neft olub. 

Neft Fondundan verilən məlumata görə, 1 oktyabr 2013-cü il üçün Fonda AÇG layihəsi çərçivəsində $90 mlrd 878 mln 500 min daxil olub. 

Bu məlumat əsasında belə nəticəyə gəlmək olar ki, Azərbaycan 14 ildə (Azərbaycan AÇG çərçivəsində mənfəət neftinin ilk partiyasını 1999-cu ilin dekabrında alıb, o vaxt Neft Fondunun yaradıldığı elan edilib – red.) mənfəət neftinin tonunu $550,79-a, barrelini $74,43-a satıb.  

Caspian Barrel Neft Araşdırmaları Mərkəzində Turan müxbirinə bildiriblər ki, “bu, çox yüksək statistik qiymətdir”. Mərkəzdə izah ediblər ki, Fondun AÇG-dən gəlirlərinə neft satışından mədaxildən başqa, başqa gəlirlər, məsələn, bonuslar, akrhesabı ödənişlər, tranzit pulu və . daxildir. Caspian Barrel-ə görə, əgər BP World Statistical Review məlumatına istinad edilsə, 1998-2013-cü illərdə (AÇG-dən dünya bazarlarına tədarük 1998-ci ildə başlayıb – red.) Brent markalı neftin orta ixrac qiyməti $59-a çatmayıb. Ona görə ВР-Azerbaijan ötən onilliyin ortalarında AÇG neftinin maksimal orta ixrac qiymətini $60 proqnozlaşdırmışdı. –12А--