ABŞ Səfirliyi yeni viza prosedurlarını həyata keçirəcək

ABŞ-ın Bakıdakı Səfirliyi 27 dekabr 2012-çi ildən etibarən yeni təkmilləşdirilmiş viza üçün müraciət və gün təyin etmə prosedurlarını həyata keçirəcək. Bu dəyişikliyin bir hissəsi olaraq, ərizəçilər viza müsahibəsinə yazılmaqdan əvvəl rüsumu ödəyəcəklər.   

Hal hazırda ABŞ-ın Bakıdakı Səfirliyində viza müsahibəsi üçün yalnız əvvəlcədən yazılmaq lazımdır və viza ərizəçiləri rüsumu müsahibə zamanı ABŞ Səfirliyində ödəyirlər. Cümə axşamı, 27 dekabrdan sonra viza ərizəçiləri internet vasitəsi ilə DS-160 viza ərizə formasını doldurub viza müsahibəsinə yazilmalıdırlar.

Viza görüşünə yazılmaq üçün sayt www.usvisa-info.com

Ərizəçilər viza üçün müraciət rüsumunun ödənişinə görüş təyin edilən zaman hazir olmalıdırlar. Ödənişlər kredit kartı ilə və ya Azərbaycanda təyin edilmış bankda nəğd ödənilə bilər. Bu yeni prosedurlar haqqında məlumat gələn həftə açıqlanacaq.

Bu yeni görüş və ödəmə sistemi ABŞ-ın Bakıdakı Səfirliyindəki bütün əvvəlki gün təyin etmə sistemlərini əvəz edəcək və bu bütün ərizəçilərə – rezidentlərə və qeyri-rezidentlərə tətbiq ediləcək.

Cümə axşamı, 27 dekabr 2012-ci ildən etibarən ərizəçilər gün təyin etmək üçün yeni sistemdən istifadə edə bilərlər və müsahibələr cümə axşamı, 3 yanvar 2013-cü ildən başlayacaq.

ABŞ Səfirliyinin konsulluq şöbəsi cümə axşamı, 27 dekabr 2012-ci ildən cümə axşamı, 3 yanvar 2013-cü ilədək viza xidmətlərini dayandıracaq. Fövqəladə hallarda səyahət üçün məhdud viza xidmətləri göstəriləcək. Xahiş edirik ConsularBaku@state.gov elektron poçtuna müraciətinizi göndərəsiniz.

Hətta yeni viza müraciət və gün təyin etmə prosedurları həyata keçirildikdən sonra, təcili viza üçün görüş müraciətləri ayrı-ayrıliqda nəzərdən keçiriləcək. -0-