Açıq Hökumət Platformasının iştirakı ilə konfrans

Bakı/12.04.17/Turan: Bu gün İqtisadi İslahatların Təhlili və Kommunikasiya Mərkəzi ilə Açıq Hökumət Platformasının birgə keçirdiyi "Milli iqtisadiyyat və iqtisadiyyatın əsas sektorları üzrə strateji yol xəritəsinin başlıca istiqamətləri" mövzusunda konfransda  vətəndaş cəmiyyətinin strateji yol xəritələri ilə müəyyənləşən inkişaf hədəflərinə çatmaq üçün həyata keçirilən tədbirlərdə daha yaxından iştirakı məsələləri müzakirə edib. Bu barədə Turan-a Açıq Hökumətin təşviqinə dair Hökumət-Vətəndaş Cəmiyyəti Dialoqu Platformasının koordinatoru Əliməmməd Nuriyev bildirib.

Onun sözlərinə görə, prezidentin iqtisadi islahatlar üzrə köməkçisi Natiq Əmirov vətəndaş cəmiyyətilə əməkdaşlıq platformasının çağırışına müsbət reaksiya verib.

Ə.Nuriyev qeyd edib ki, görüş yeni əməkdaşlıq modelinin qurulması üçün başlanğıcdır.

Konfrans zamanı vətəndaş cəmiyyətinin fəalları Sabit Bağırov, Rəna Səfərəliyeva, Vüqar Bayramov, Abil Bayramov, Qadir İbrahimli, Osman Gündüz və başqaları təkliflərlə çıxış ediblər.

“Tədbirlər davam etdiriləcək və konkret  mövzulara həsr olunacaq”, -Ə.Nuriyev bildirib.—06D--