Bakı/02.08.17/Turan: Avqustun 1-də "Açıq Hökumət Platforması fəaliyyətdə" layihəsinin yekunları təqdim olunub. Layihə Niderland hökumətinin maliyyə yardımı və Avrasiya Əməkdaşlıq Fondunun dəstəyilə həyata keçirilir.
Açıq Hökumət Platforması (AHP) üzvlərinin həyata keçirdiyi layihənin yekunlarının təqdimatı Park İnn otelində olub.
Təqdimatda Prezident Administarasiyası, vətəndaş sektoru, hökumət, parlament, diplomatik korpusun nümayəndələri iştirak ediblər.
AHP koordinatorru Əliməmməd Nuriyev bildirib ki, "Açıq hökumət" islahatlarının həyata keçirilməsi üçün təkliflər paketi ölkə hakimiyyətinə təqdim ediləcək. Layihə üzərində iş avqustun 15-dək yekunlaşacaq. Hələlik təkliflər qəbul edilir.
"Konstitusiya" Araşdırmalar Fondunun eksperti Zaur İbrahimli AHP-nin 2017-2020-ci illər üçün strateji planını təqdim edib.
Açıq hökumətin təşviqinə dair 2016-2018-ci illər üçün Milli Fəaliyyət Planına uyğun olaraq yaradılan Platforma bu müddətdə çox işlər görüb. Vətəndaş cəmiyyətinin 32 tövsiyəsi bu plana daxil edilib.
Niderlandın Azərbaycandakı missiyasının rəhbər müavini Ayşə Aydın açıq hökumət sahəsində əməkdaşlıqdan məmnun olduğunu qeyd edib. "Biz bu layihəni bir neçə il qabaq başlamışıq. Əsas məqsədimiz Azərbaycan vətəndaş cəmiyyətinin fəaliyyəti və layihələrin icrası üçün maliyyə dəstəyi göstərmək olub", - o vurğulayıb. 0-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz