Bakı/10.08.19/Turan: Həbsdə aclıq aksiyası keçirən realliq.info saytının redaktoru İkram Rəhimov karserə salınıb. Bu barədə Rəhimovun yaxınları məlumat verib. Mənbənin məlumatına görə, aclıq etməsi ilə əlaqədar Rəhimovun vəziyyəti pisləşib.
Rəhimov 2018-ci il oktyabrın 26-da saxlanılıb, hədələmə yolu ilə pul tələb etməkdə ittiham olunub və həbs edilib. Həbsindən əvvəl Rəhimov prezidentin köməkçisi Əli Həsənovu tənqid etdiyinə görə təqib edildiyini bəyan etmişdi. O, məhkəmədə bunu təkrar edib.
İyunun 12-də məhkəmə onu 5,5 il müddətinə azadlıqdan məhrum edib. Avqustun 6-da Bakı Apellyasiya Məhkəməsində Rəhimovun işi üzrə ilkin iclas keçirilib. Müdafiə tərəfi təkrar məhkəmə istintaqı və birinci instansiya məhkəməsinə verdikləri ifadələr saxtalaşdırıldığına görə şahidlərin və zərərçəkmişlərin yenidən dindirilməsi barədə vəsatət qaldırıb.
Vəkil həmçinin elə eyni səbəbdən Rəhimovun telefon danışıqlarının audioyazılarının təkrar ekspertizasını təyin etməyi xahiş edib. Amma vəsatətlər təmin edilməyib və növbəti iclas avqustun 21-nə təyin edilib. Etiraz əlaməti olaraq Rəhimov məhkəmə zalında aclıq aksiyasına başladığını bəyan edib. -06D-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz