“Hazırda Rüfət danışmaq imkanında deyil. O, halsızdır, uzanıb”. Bu barədə Zərdab rayon prokurorluğunun istefa vermis müstəntiqi Rüfət Səfərovun həyat yoldaşı Nuray Səfərova “Amerikanın Səsi”nə bildirib.
Müdafiə Nazirliyinin mətbuat xidmətinin keçmiş rəhbəri, iqtidarda olan Yeni Azərbaycan Partiyasının yaradılmasında iştirak edən şəxslərdən biri Eldar Sabiroğlunun oğlu Rüfət Səfərov ədalətsizliyə və atasına qarşı təzyiqlərə etiraz olaraq dekabrın 21-də Zərdab rayon Prokurorluğunun müstəntiqi vəzifəsindən istefa verib. Bundan sonra onun iş otağında və evində axtarış aparılıb. Şəxsi komputeri götürülüb, mobil telefonlarına baxış keçirilib. Səfərov dekabrın 21-dən bunlara etiraz olaraq aclıq aksiyasına başlayıb.
Nuray Səfərovanın sözlərinə görə, hazırda Zərdab şəhərində olan Rüfət Səfərovun təzyiqi çox yüksəkdir (170/110-dur). “Təcili təxirəsalınmaz tibbi yardım çağırdıq. Həkimlər Rüfətə açlığı dayandırmasını dedilər. Ona sakit halda uzanmağı məsləhət bildilər. Lakin Rüfət aclığı davam etdirir”, deyə Nuray Səfərova qeyd edib. -03B-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz