Bakı/17.11.19/Turan: Xaricdə Azərbaycanda istehsal olunan silaha tələbat xeyli artıb, bu barədə cümə axşamı keçirilən mətbuat konfransında müdafiə sənayesi nazirinin müavini Yəhya Musayev bildirib.
Mətbuat konfransı sentyabrın 27-30-da Bakıda keçirilməsi nəzərdə tutulan ADEX-2016 müdafiə sənayesi sərgisi ilə əlaqədar keçirilib.
Musayevin sözlərinə görə, sərgidə Azərbaycan müdafiə sənayesi məhsullarının 260 nümunəsi təqdim ediləcək.
Bu, Azərbaycanda keçirilən ikinci hərbi məhsul sərgisidir.
Bu il sərginin ilk üç gününə giriş dəvətnamə ilə olacaq, dördüncü gün isə açıq qapı günü olacaq və arzu edən istənilən şəxs ekspozisiya ilə tanış ola biləcək.
Musayev xaricdə Azərbaycanda istehsal olunan silaha marağın artdığını bildirib.
Onun sözlərinə görə, sifarişlərin çox olması ilə əlaqədar Müdafiə Sənayesi Nazirliyi hətta bəzi ölkələrin sifarişlərindən imtina etmək məcburiyyətində qalıb.
Sifarişlər əsasən Avropa, Afrika və Asiya ölkələrindən daxil olur.
Məmmədov qeyd edib ki, Azərbaycan məhsulları keyfiyyəti ilə fərqlənir və dünya qiymətləri ilə satılır.
Digər tərəfdən, müasir texnologiyalar əldə edən Azərbaycan öz ordusunu zəruri səviyyədə təchiz etmək üçün özü döyüş sursatları və texnika istehsal etmək iqtidarındadır.
ADEX-2016 sərgisində ümumilikdə 34 ölkədən 216 şirkət və 19 ölkədən 25 rəsmi nümayəndə heyəti iştirak edəcək. -06D-
Cəmiyyət
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
Rəy yaz