Arxiv
AHMM İntiqam Əliyevin azadlığa buraxılmasını alqışlayıb
Tanınmış hüquqşünas, Hüquqi Maarifləndirmə Cəmiyyətinin rəhbəri İntiqam Əliyev 2012-2014-cü illərdə həbs olunan sonuncu hüquq müdafiəçisidir ki, martın 28-də Azərbaycan Ali Məhkəməsi plenumunun qərarı ilə azadlığa buraxılıb.
Bu, İ.Əliyevin müdafiəsilə bağlı təxminən 20 aylıq beynəlxalq kampaniyadan sonra Baş Prokurorluq tərəfindən verilən kassasiya şikayəti sayəsində mümkün olub. Bu barədə Azərbaycan Hüquq Müdafiə Mərkəzinin (AHMM) məlumatında deyilir.
AHMM hüquq müdafiəçisinin azad edilməsi barədə qərarı alqışlayır və ümid edir ki, bu, hakimiyyət və vətəndaş cəmiyyəti arasında münasibətlərin gələcəkdə normallaşmasına xidmət edəcək.
“Ümid edirik ki, ona qarşı irəli sürülən cinayət ittihamlarının mahiyyəti ədalətli şəkildə Avropa İnsan Hüquqları Məhkəməsində araşdırılacaq. Belə ki, Avropa məhkəməsi artıq onun şikayəti üzrə kommunikasiyaya başlayıb”, - AHMM-in rəhbəri Eldar Zeynalov bildirib.
Qeyd etmək lazımdır ki, 2014-cü ilin oktyabrından siyasi məhbuslar problemi insan hüquqları üzrə birgə İşçi Qrupu çərçivəsində hüquq müdafiəçiləri və hakimiyyət arasında dialoq mövzusu olaraq qalır. Bu müddətdə həmin qrupa təqdim edilən siyasi məhbusların siyahısı üzrə əfv və ya hökmün dəyişdirilməsi yolu ilə ən azı 37 siyasi məhbus azadlığa buraxılıb. Lakin siyahıya daxil olan siyasi məhbusların bir hissəsi əvvəlkitək həbsdədir və onların taleyinin hakimiyyətlə müzakirəsi davam edir. —0—
-
- Cəmiyyət
- 28 Mart 2016 19:02
-
- Mədəniyyət
- 28 Mart 2016 20:07
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz