AİF İnternetdə diffamasiyaya görə cinayət cəzasının əleyhinədir
Azərbaycan İnternet Forumu (AİF) parlamentin Cinayət Məcəlləsinə İnternetdə böhtan və təhqir xarakterli fikirlərə görə cinayət məsuliyyəti yaradan dəyişiklikləri qəbul etməsi ilə bağlı bəyanat yayıb. AİF bunu ölkədə İnternet azadlığına qarşı təhlükə kimi dəyərləndirir.
Bəyanatda deyilir ki, demokratik ənənələri yetərli olmayan ölkələrdə bu tip addımlar sonda senzuraya gətirib çıxarır.
Digər tərəfdən, bir sıra populyar informasiya resursları xarici domenlər altında və xarici hostinqlərdə fəaliyyətə keçəcəyi, resursların və ya istifadəçilərin anonim adlar altında fəaliyyətə üstünlük verəcəkləri istisna olunmur.
“Bütün bunlar ölkədə normal informasiya infrastrukturunun, dayanıqlı informasiya cəmiyyətinin qurulmasına, milli İnternet seqmentinin inkişafına əngəllər yaradacaq”, - bəyanatda vurğulanır.
Bundan əlavə, bu qanunun qəbulu hüquq-mühafizə orqanlarının resurslarını daha mühüm işlərdən, o cümlədən kibercinayətkarlıqla mübarizədən yayındıra bilər.
Dəyişikliklər dövlətin İKT-nin inkişafı, 2013-cü ilin “İKT ili” elan edilməsi, İnternetin inkişafı üçün büdcədən milyonlarla vəsaitin ayrılması üzrə siyasəti ilə ziddiyyət təşkil edir.
AİF ümid edir ki, sözügedən məhdudlaşdırıcı düzəlişlər prezident tərəfindən təsdiqlənməyəcək. –06D-
-
- İqtisadiyyat
- 21 May 2013 12:28
-
- Siyasət
- 21 May 2013 12:48
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz