ARDNŞ-nin törəməsi olan SOCAR Turkey şirkəti mayın 20-də İzmirdə neft emalı zavodunun tikintisini həyata keçirəcək konsorsiumla saziş bağlayıb.
ARDNŞ mətbuat xidməti bildirir ki, sənədi ARDNŞ-nin Sərmayələr İdarəsinin rəisi, “Petkim” neft-kimya holdinqinin idarə heyətinin sədri Vaqif Əliyev, “SOCAR Turkey” şirkətinin icraçı direktoru Kənan Yavuz, konsorsiumun lideri olan İspaniyanın “Tecnicas Reunidas” şirkətinin baş katibi Xose Pedro Sebastian De Erice, həmin şirkətin inkişaf üzrə baş direktoru Enrike Alsina Massan və konsorsiuma daxil olan “Saipem”, “GS Engineering” və “İtochu” şirkətlərinin səlahiyyətli nümayəndələri imzalayıb. Kənan Yavuz bildirib ki, STAR zavodu sazişin imzalanmasından 51 ay sonra fəaliyyətə başlayacaq.
ARDNŞ layihənin qiyməti barədə məlumat vermir. Dünyanın informasiya agentlikləri Itochu şirkətinə istinadən bildirirlər ki, kontrakt qiyməti $3,4 mlrd-dır.
Star NEZ-in emal gücü 10 mln ton neftdir. Orda “Ural”, “Azəri Light” və “Kərkük” kimi neft markaları emal ediləcək.
NEZ-in illik istehsal həcmi 1,6 mln ton naftdır. Bundan sonra Petkim kompleksi bu xammalı idxal etməyəcək.
Star NEZ həmçinin 5,9 mln ton dizel yanacağı, 500 min ton aviasiya kerosini, 630 min ton neft koksu, 240 min ton maye neft qazı, 415 min ton qarışıq ksilol, 75 min ton olefin maye neft qazıvə 145 min ton kükürd istehsal edəcək.
Əvvəllər ARDNŞ Star NEZ-in 2015-ci ildə fəaliyyətə başlayacağını proqnozlaşdırırdı. --12D--
İqtisadiyyat
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
-
Qlobal dizel yanacaq qiymətləri və emal marjaları, ABŞ-ın Rusiya neft ticarətinə qarşı tətbiq etdiyi ən son sanksiyaların ardından kəskin artıb. Bu addım, təklifin azalacağı gözləntiləri ilə bazarlarda dalğalanmalara səbəb olub, analitiklər və LSEG məlumatları bunu təsdiq edir.
-
Azərbaycan Prezidenti İlham Əliyev cümə günü Gürcüstanın Baş naziri İrakli Kobaxidzeni qəbul edərək, Cənubi Qafqazın iki qonşu ölkəsi arasında strateji tərəfdaşlığı daha da inkişaf etdirməyə yönəlmiş yüksək səviyyəli danışıqlar aparıb.
Rəy yaz