Gürcüstanlı Avraam Nanikaşvilinin iri səhm paketinə malik olduğu Shemen Oil & Gas Resources neft kəşfiyyatı şirkəti bir ay əvvəl "Yam-3" sahəsində dayandırılan qazma işlərini bərpa edib. Qazma işlərini aparan azərbaycanlılar Amerika ekspertlərinin köməyinə əl atıb, deyə İsrailin IzRus portalı məlumat verir.
Shemen Oil & Gas Resources 18 mayda elan edib ki, Aşdoddan 15 km məsafədəki "Yam-3" şelfində qazma işlərinə yenidən başlayıb. Quyuda qazın təzyiqi hesablanandan 30% çox olduğu üçün şirkət bir ay öncə qazma işlərini dayandırmışdı.
Globes nəşri bildirir ki, ARDNŞ-yə məxsus Caspian Drilling Company (CDC) şirkətinə kömək lazım olub. Shemen rəhbərliyi dəniz və quruda neft və qaz hasilatında böhranlı vəziyyətlərin idarə edilməsi üzrə dünya lideri Wild Well Control şirkətinə müraciət edib. Gecikmə ilə bağlı qazma xərcləri $22 mln artıb. Shemen ziyanı sığorta hesabına ödəmək istəyir.
Ötən il "Yam"da kəşfiyyat işlərinin büdcəsi 50% artıb, deyə Globes bildirir. Konsorsium üzrə tərəfdaşlar, CDC (10%) və Shemen (79,2%) də daxil, vəsaiti artırmaq qərarına gəliblər.
İsrail şirkəti $111 mln vəsait qoymalıdır, hələlik $73 mln vəsait yönəldib. Fərqi örtmək üçün Shemen səhmdarlarının kapitalını səfərbər edəcək. 12,55% paya malik Avraam Nanikaşvili Ceki ben-Zaken və "Bonstar" şirkəti ilə birgə ayın sonuna kimi $4 mln sərmayə qoyacaq.
Shemen-in ən böyük səhm sahibi Israel's Financial Leversdir (12,88%). Onun ikinci böyük səhmdarı Avraam Nanikaşvilidir.
IzRus portalının məlumatına görə, sahənin potensialı 270 mln barrel neft, 127 mlrd m3 qazdır.
CDC şirkəti kəşfiyyat qazmasına 2012-ci il dekabrın əvvəlində başlayıb. --0--
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz