ВР viza problemi ilə bağlı ARDNŞ-yə müraciət edib

ARDNŞ-nin mənzil-qərargahında BP-Azerbaijan (əsas hasilat layihələrinin operatoru - red.) şirkətinin nümayəndələri ilə görüş keçirilib və kadr məsələləri müzakirə olunub. 

ARDNŞ mətbuat xidmətinin məlumatına görə, görüşdə PSA layihələrdə kadrların milliləşdirilməsi məsələsinə baxılıb. Azərbaycan layihələrində əcnəbilərin nə vaxt işləyə biləcəyi qeyd edilib. Artıq 15 ildir azərbaycanlı mütəxəssislər ən çətin əməliyyatlarda əcnəbilərlə birgə çalışır. Ona görə bu və ya digər işin icrası üçün yerli kadr olmayanda xaricdən dəvət edilməlidir. Həmçinin sonradan bu kadrların yerlilərlə əvəzlənməsi üçün təlimlər keçirilməlidir. 

Qeyd edilib ki, neft-qaz layihələri üçün birgə kadr seçimi edilməli, peşə tələbi müəyyən edilməli, kadra ehtiyac proqnozlaşdırılmalıdır. 

Yığıncaqda BP təmsilçiləri cəlb edilən əcnəbilərin viza problemindən danışıblar. BP-Azerbaijan-ın vitse-prezidenti Syu Adlam-Hill bəyan edib ki, BP Azerbaijan layihələrində azərbaycanlı kadrlar 95%-dir. Yaxın vaxtlarda Azərbaycan vətəndaşı Leyla Novruzova onun yerinə təyin ediləcək. 

ARDNŞ tərəfdən iclasda vitse-prezident Xaliq Məmmədov, Hüquq İdarəsinin rəisi Eldar Orucov, şirkət prezidentinin müşaviri Yaşar Lətifov, BP-Azerbaijan-dan  vitse-prezident Syu Adlam-Hill, maliyyə üzrə vitse-prezident Yen Sazerlend, baş hüquqşünasın köməkçisi Devid Qrant iştirak edib. --12В--