Dünən Salyanda bir qrup kənd sakini etiraz aksiyası keçirib.
“Demokratiyaya Yardım” İctimai Birliyinin sədri Emil Məmmədovun Turan-a verdiyi məlumata görə, aksiyaya axşam Xıdırlı kənd sakini (1967-ci ildə anadan olub) Eynulla Ağayevin qəfil infarkt keçirməsi səbəb olub. Xəstənin yaxınları kömək üçün Salyan rayon təcili yardım stansiyasına zəng eləsələr də, təcili yardım maşını gec gəlib və xəstə dünyasını dəyişib. Bundan qəzəblənən bir qrup sakin təcili yardım maşınını yandırmaq istəyib, lakin qarşısı alınıb.
Bundan sonra onlar Xıdırlı kəndindən keçən Ələt-Astara avtomobil yolunu bağlayıblar, avtomobil şinlərini yandırıblar. 2 saata yaxın nəqliyyatın hərəkəti dayandırılıb.
Hadisə yerinə polis və rayon rəhbərliyi gəlib. Etirazçılarla danışıqlardan sonra yol açılıb. Yerli sakinlərlə rayon rəhbərliyinin görüşü səhər saat 4-ə kimi davam edib.
İcra Hakimiyyətinin Xıdırlı kənd üzrə nümayəndəsi Vaqif Hüseynov etiraz aksiyasının keçirildiyini təsdiqləyib. Lakin çərşənbə axşamı kənddə vəziyyət sakitdir.
Salyan təcili tibbi yardım stansiyasının baş həkimi isə bildirib ki, həkimlər kəndə təyin edilmiş vaxtda gəliblər. -16D-
-
- Cəmiyyət
- 21 May 2013 11:23
-
- İqtisadiyyat
- 21 May 2013 12:20
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz