Mətbuat-Monitorinq 21.05.13
Rəsmi və hökumətyönlü qəzetlər dövlət başçısı İlham Əliyevin Yunanıstanın baş nazirini qəbul etməsi, “Dədə Qorqud” parkında təmir-abadlıq işləri ilə tanış olması xəbərlərini ilk səhifələrə çıxarıblar.
Bu qəzetlər müxalifət düşərgəsinin yaratmaqda olduğu Milli Şura qurumu, AXC-nin hakimiyyətdə olduğu 1992-1993-cü illər dönəmi, hüquq müdafiəçisi Leyla Yunus və tanınmış ziyalı Rüstəm İbrahimbəyovun barəsində böhtan və iftira olan yazılara geniş yer veriblər.
“Azadlıq” qəzeti “Eurovision-2013” yarışmasında Azərbaycandan Rusiyaya sms-lərin getməməsilə bağlı məsələyə dövlət başçısının qarışmasını “rəsmi Bakının Rusiya önündə qorxuya düşməsi” kimi dəyərləndib və ilk səhifəyə çıxarıb.
Azərbaycanın “Eurovision-2013” yarışmasında səsləri satın alması haqda video-süjet hazırlayan litvalı jurnalist Liera Zelniene özlərini tələbə kimi təqdim edərək baş verənləri gizli video ilə çəkdiklərini açıqlayıb.
Qəzetin redaktoru Rahim Hacılı “qəzetin düşdüyü durumun ən qısa zamanda onun dayanmasına səbəb ola biləcəyini” bəyan edib.
Almaniyanın nüfuzlu “Der Şpigel” jurnalı Əliyevi Azərbaycanda “despotizm, qohumbazlıq, şəxsiyyətə pərəstiş” formalaşdırmaqda ittiham edib.
Xaricdə təhsil alacaq tələbələrin siyahısının PA-da müəyyənləşdirlidiyini bildiriən ekspertlər yalnız notarius idarəsi kimi təsdiqlənmək üçün Təhsil Nazirliyinə göndərilməsinə diqqət çəkirlər.
“Zerkalo” Azərbaycanın “qərbyönlü”, Ermənistanın isə “rusyönlü” xarici siyasət yürütməyə “məhkum olmasını” manjetə çıxarıb.
“Ekspress” aprelin 30-da İranda həbsə alınan Azərbaycan ədəbiyyatşünası Xalidə Xalid və sürücüsünün QMİ sədri Allahşükür Paşazadənin bu dövlətə səfərilə bağlı azad olunmalarına “Şeyxin İran missiyası” mövqeyini ifadə edir.
Novoe Vremya” Azərbaycan XİN başçısı Elmar Məmmədyarovun Rusiya səfərini önə çəkərək bunu “rəsmi Bakının neqativ fonu aradan qaldırmaq istəməsi” kimi dəyərləndirir.
“Bizim yol” “Eurovision-2013” yarışmasında Azərbaycanın Rusiyaya verdiyi səslərin Almaniyada “itməsini” baş xəbər sayaraq bunu “siyasi qalmaqal” adlandırır.
Ermənilərlə ünsiyyətə qadağa nəzərdə tutan qanun layihəsinə bir sıra deputat və politoloqlar “bu, Azərbaycana zərbə olacaq” şərhini veriblər.
Son vaxtlar rəsmi Bakını sıxan Qərb və Rusiyaya cavab olaraq QMİ sədri Allahşükür Paşazadənin İran səfərini qəzet “diplomatik revanş” kimi dəyərləndirir.
“Yeni Müsavat” ön səhifəyə Azərbaycan rəsmilərinin Rusiyaya sıxlaşan səfərlərini çıxarıb və bunu “seçki ərəfəsində Kremllə anlaşma” adlandırır.
Dövlət Neft Şirkəti Zabrat və Ramanadakı mədən ərazilərində tikilmiş 100-lərlə evi sökərək bu ərazilərdə neftlə bağlı kəşfiyyat işi aparmağı nəzərdə tutur.
-
- Mədəniyyət
- 20 May 2013 20:32
-
- Cəmiyyət
- 21 May 2013 12:19
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz