AİHM Abdul Əbilovun şikayətini araşdırır
Strasburq məhkəməsi bloger Abdul Əbilovun işi üzrə kommunkasiyaya başlayıb. Bu barədə Turan-a A.Əbilovun Avropa İnsan Hüquqları Məhkəməsində (AİHM) hüquqi nümayəndəsi Xalid Bağırov bildirib.
Xatırladaq ki, A.Əbilov 2013-cü il noyabrın 22-də külli miqdarda narkotik maddənin qanunsuz dövriyyəsində ittiham olunaraq həbs edilib. 2014-cü il mayın 27-də 5,5 il müddətinə azadlıqdan məhrum edilib.
A.Əbilov öz günahını inkar edərək bildirib ki, ona qarşı cinayət işi sosial şəbəkələrdə paylaşdığı fikirlərdən hakimiyyətin narazı qalmasıdır.
X.Bağırov bildirib ki, AİHM A.Əbilovun 5-ci maddə (azadlıq və şəxsi toxunulmazlıq hüququ) və 18-ci maddə (hüquqi məhdudiyyətlərin tətbiqinin həddi) üzrə şikayətini araşdırır.
X.Bağırovun sözlərinə görə, son vaxtlar AİHM azərbaycanlı fəalların şikayətlərinə baxarkən öz təşəbbüsü ilə 18-ci maddə üzrə hüququn pozulmasını da araşdırır.
Bundan öncə hüquq müdafiəçiləri Leyla və Arif Yunuslara, İntiqam Əliyevə qarşı da belə olub. 18-ci maddə üzrə hüquq pozuntusunun müəyyən edilməsi ərizəçinin siyasi motivlərlə təqib edilməsinin tanınması deməkdir və dərhal azadlığa buraxılma tələbini nəzərdə tutur. Ümumilikdə, AİHM-in tarixində 18-ci maddə üzrə 6 qərar qəbul edilib və bunların hamısı qanunsuz həbslə bağlı şikayətlərlə əlaqədar olub. İki iş Azərbaycan üzrə ərizələrə aid olub. REAL Hərəkatının lideri İlqar Məmmədovun hüquqlarının bu maddə üzrə pozulması hələ 2014-cü ilin mayında tanınıb. Lakin o, hələ də həbsdədir. Həmçinin AİHM hüquq müdafiəçisi Rəsul Cəfərovun şikayəti üzrə qərar çıxarıb. Bu qərarın elan edildiyi gün o, əfv fərmanı ilə azadlığa çıxıb. AİHM-in 18-ci maddə üzrə digər dörd qərarı postsovet məkanının tanınmış siyasi və ictimi xadimləri – Vladimir Qusinski (Rusiya), Sergey Çebotar (Moldova), Yuri Lutsenko və Yuliya Timoşenko (Ukrayna) şikayətləri üzrə olub və onların hamısı icra edilib.
X.Bağırov bildirib ki, A.Əbilovun cinayət işinin mahiyyəti üzrə hökmdən daha bir şikayəti AİHM-ə göndərilib.—06D--
-
- Cəmiyyət
- 11 May 2016 09:53
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz