![Aktyorun işdən azad edildiyi bildirilir](https://turan.az/resized/media/2017/main/101900005098-750-500-resize.webp)
Aktyorun işdən azad edildiyi bildirilir
Bakı/19.10.17/Turan: "Bəxt üzüyü" tamaşasında Hüseyn rolunun ifaçısı Ayşad Məmmədov işdən azad edilib. Bu barədə azadliq.info saytı məlumat yayıb.
Saytın məlumatına görə, aktyorun çalışdığı Akademik Milli Dram Teatrının rəhbərliyi Ayşad Məmmədovun işdən çıxarılması haqda əmr imzalayıb.
"Aktyorun işdən çıxarılmasının səbəbi isə ölkədə talançılığa, korrupsiyaya etiraz olaraq siyasi məhbusların buraxılması tələbi ilə Milli Şuranın oktyabrın 7-də keçirdiyi mitinqdə iştirakı olub", - sayt qeyd edir.
Bir neçə gün öncə Mədəniyyət və Turizm naziri Əbülfəz Qarayev əməkdar artistlər - İlqar Cahangir və Ayşad Məmmədov, habelə aktyor Abbas Qəhrəmanovun mitinqdə iştirakı ilə bağlı açıqlama verib.
"Əfsuslar olsun ki, dövlət mükafatlarını almış bəzi insanlar bu yaxınlarda gedib dövlət əleyhinə çıxışlar zamanı öz səslərini ucaldıblar. Bu, heç bir mədəniyyət işçisinin daxili dünyasının zənginliyinə uyğun deyil. Əgər dövlət bizim əməyimizi qiymətləndirirsə biz də onu qiymətləndirməliyik. Axırıncı baş verənlər olduqca təəssüfləndirici haldır", - nazir qeyd edib.
Azərbaycan Xalq Cəbhəsi Partiyasının (AXCP) sədri Əli Kərimli mədəniyyət nazirinin yanaşmasına münasibət bildirərkən deyib ki, əzilənlərlə həmrəy olmaq, ölkəsinə, xalqına ədalət istəmək yüksək mədəniyyətdən, zəngin daxili aləmdən xəbər verir.
"Nə yaxşı ki bu ölkədə hələ də xalqı ilə həmrəy olan aktyorlarımız, mədəniyyət xadimlərimiz, gerçək ziyalılarımız var! Hər zaman var olun!" - o qeyd edib.
Bununla yanaşı Turan-ın müxbirinin xəbərlə bağlı nə Akademik Milli Dram Teatrının rəsmilərindən, nə də aktyorun özündən münasibət öyrənməsi mümkün olmayıb.
Eyni zamanda Akademik Milli Teatrının rəsmi saytının aktyor truppası bölməsində (http://azdrama.az/%c9%99m%c9%99kdar-artistl%c9%99r-2) əməkdar artistlər arasında Ayşad Məmmədovun da adı var. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz