Vaşinqton/19.10.17/Turan: Azərbaycan və Ermənistan arasında hərbi toqquşmaların baş verməsindən təxminən bir il yarım ötdükdən sonra Dağlıq Qarabağda dinc prosesləri izləyən diplomatlar və analitiklər bildirirlər ki, eskalasiyanın artması riski "hər zaman olduğundan yüksəkdir" və hər iki tərəfin öz əhalisini "müharibəyə yox, sülhə hazırlamasından" ötrü inam tədbirlərinin möhkəmləndirilməsi üçün tədbirlərin görülməsinin vaxtıdır.
"Bu, dondurulmuş münaqişə deyil və çox təhlükəlidir", - ATƏT-in Minsk Qrupunun keçmiş amerikalı həmsədri (1999-2011-ci illər) Keri Kavano oktyabrın 19-da ABŞ Helsinki Komissiyasının keçirdiyi brifinqdə bildirib, Turan-ın Vaşinqton müxbiri məlumat verib.
ABŞ Fransa və Rusiya ilə birlikdə çoxdan Minsk Qrupunun həmsədrləridir. Onlar Azərbaycanla Ermənistan arasında çoxillik münaqişəyə son qoyacaq sazişin tapılmasına çalışırlar. Ancaq son 25 ildə münaqişənin diplomatik yollarla həlli üzrə səylər irəliləyişə səbəb olmayıb.
ABŞ və Rusiya arasında gərgin münasibətlərə baxmayaraq, Dağlıq Qarabağ vasitəçilərin sıx və birgə çalışdığı yerdir", - ABŞ-ın Minsk Qrupundakı keçmiş vasitəçisi Ceyms Uorlik (2013-2016-cı illər) bildirib.
Ötənilki eskalasiya Aİ üçün "gözlənilməz və təhlükəli siqnal oldu", - Beynəlxaq Böhran Qrupundan Maqdalena Qrono bildirib. Onun sözlərinə görə, Dağlıq Qarabağ üzrə danışıqlar eskalasiya riskini minimuma endirməlidir, çünki münaqişənin yenidən başlanması üçün real təhlükə var.
"Ermənistan və Azərbaycan arasında siyasi və hərbi əlaqələrin olmaması çox təhlükəlidir", - o əlavə edib. "Münaqişənin eskalasiyası ciddi regional nəticələrə gətirib çıxara bilər", - o vurğulayıb.
Uorlik əlavə edib ki, sülh tərəflərin hamısı üçün yüksək nəticə verə bilər: Ermənistan sərhədlərin açılmasına, böyük təhlükəsizliyə, ticarət, səyahət üçün yeni imkanlara, qonşuları ilə qarşılıqlı fəaliyyət imkanlarına nail olar, eyni zamanda Azərbaycan minlərlə qaçqının, məcburi köçkünün öz evlərinə qayıtması üçün maneəni aradan qaldırmış olar.--0--
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz