Cümə günü Bakının Nəsimi rayon məhkəməsi bloger Aleksandr Lapşinin həbs müddətini 3 ay uzadıb, bu barədə Turan-a onun vəkili Eduard Çernin bildirib.
Onun sözlərinə görə, istintaq bunu əlavə istintaq tədbirlərinin həyata keçirilməsi zərurəti ilə əsaslandırıb. Müdafiə tərəfi “öz əsasları” ilə etiraz edib, deyə vəkil bildirib.
Bu qərardan şikayət verilib-verilməyəcəyi barədə suala cavabda Çernin deyib ki, hələlik bilmir, çünki bunu Lapşinin özü ilə müzakirə etməlidir.
Vəkil deyib ki, Lapşin saxlanma şəraitindən və səhhətindən şikayət etməyib. “Lapşinin yeganə şikayəti ondan ibarətdir ki, o, həbsdə olmaq istəmir”, deyə vəkil qeyd edib. Vəkilin sözlərinə görə, həbs müddəti iyulun 15-nə qədər uzadılıb.
Bununla belə, istintaq davam etdiyi üçün o, ətraflı şərh verməkdən yayınıb.
RF, Ukrayna və İsrail vətəndaşı Aleksandr Lapşin Azərbaycanın işğal olunmuş ərazilərinə qanunsuz səfər etdiyinə və ölkənin ərazi bütövlüyünə qarşı çağırışlara görə cinayət məsuliyyətinə cəlb edilib. O, 2016-cı ilin sonlarında Belarusda saxlanılıb, fevralın əvvəllərində isə Azərbaycana ekstradisiya olunub. -06D-
![Italyan deputata ödənən pulun prezident ailəsi ilə əlaqələri üzə çıxır [araşdırma]](https://turan.az/resized/media/2017/main/040700187590-80-50-fit.webp)
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz