Ali Məhkəmə Almaniyadan deportasiya edilmiş fəalı azad etməyib
Bakı/10.01.24/Turan: Yanvarın 9-da Azərbaycan Ali Məhkəməsi Almaniyadan qayıtdıqdan sonra narkotik maddələrlə bağlı iş üzrə mühakimə olunmuş fəal Cəfər Mirzəyevin kassasiya şikayətini təmin etməyib.
Mirzəyev 27 yanvar 2022-ci ildə, Almaniyadan deportasiya edildikdən iki ay sonra saxlanılıb. Ertəsi gün məhkəmə Mirzəyevin narkotik maddə alveri ittihamı ilə həbs olunması barədə qərar çıxarıb. 16 yanvar 2023-cü ildə məhkəmə onu 6 il azadlıqdan məhrum edib. Sonradan Apellyasiya Məhkəməsi cəzanı 5 ilə endirib.
"Müdafiə xətti" hüquq-müdafiə təşkilatının üzvü, hüquq müdafiəçisi Zəfər Əhmədov Turan-a bildirib ki, Mirzəyevin apellyasiya instansiyasının qərarından kassasiya şikayətinə çərşənbə axşamı fəalın özü və vəkili Nemət Kərimlinin iştirakı olmadan baxılıb.
"Kassasiya şikayətini vəkil Nemət Kərimli verib. Vəkil Bakıda olmadığı üçün prosesdə iştirak edə bilməyib. Əgər şikayəti məhkumun özü versə, vəkil olmadan baxıla bilər. Lakin hakim heyəti, məhkum və vəkil olmadan kassasiya şikayətinə baxıb və onu təmin etməyib. Proses cəmi 4 dəqiqə davam edib", - Əhmədov deyib.
Hüquq müdafiəçiləri Almaniyadan deportasiya edildikdən sonra həbs olunmuş digər fəallar (Mütəllim Orucov, Malik Rzayev, Pünhan Kərimli və Samir Aşurov) kimi Cəfər Mirzəyevi də siyasi məhbus kimi tanıyıblar. Onların hamısı Azərbaycanda insan hüquqlarının pozulmasına etiraz olaraq Almaniyada keçirilmiş aksiyaların iştirakçısı olub. – 06B-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz