Azərbaycan Ali Məhkəməsi bu gün Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədlinin kassasiya şikayətini təmin etməyərək, onun barəsində ittiham hökmünü qüvvədə saxlayıb.
Müdafiə tərəfi bununla razı deyil və Avropa İnsan Hüquqları Məhkəməsinə müraciət etmək niyyətindədir. Bu barədə vəkil Elçin Sadıqov bildirib.
Onun sözlərinə görə, bir müddət əvvəl Məmmədlinin qanunsuz həbsi ilə bağlı ilk şikayəti AİHM-ə ünvanlanıb. Bu şikayət üzrə Azərbaycan hökuməti ilə kommunikasiya artıq yekunlarşıb və məsələ qərar qəbul edilməsi mərhələsindədir.
Anar Məmmədli 2013-cü il dekabrın 17-də həbs edilib və qanunsuz sahibkarlıq, vəzifə səlahiyyətlərindən sui-istifadə və vergi ödənişindən yayınmaya görə 5 il yarım müddətinə azadlıqdan məhrum edilib.
2014-cü il dekabrın 10-da Bakı Apellyasiya Məhkəməsi bu hökmü qüvvədə saxlayıb.
Amnesty İnternational təşkilatı Anar Məmmədlini vicdan məhbusu elan edib. O, Vatslav Qavel adına nüfuzlu beynəlxalq mükafata layiq görülüb.
Məmmədlinin həbsinin əsl səbəbi onun Azərbaycanda seçkilərin yekunlarının saxtalaşdırıldığını sübuta yetirən və hakimiyyətin bu prosesdə birbaşa iştirakını ifşa edən monitorinqdə iştirakı olub. -06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz