Bu gün Azərbaycan Ali Məhkəməsi qanunsuz narkotik ticarəti ittihamı ilə 9 il müddətinə azadlıqdan məhrum edilmiş bloger Rəşad Ağaaddinin (Rəşad Ramazanov) kassasiya şikayətini təmin etməyib.
Şikayət Bakı Apellyasiya Məhkəməsinini hazırlıq iclasının qərarından verilib.
Blogerin vəkili Azər Nağıyev bildirib ki, yanvarın 9-da Ağaaddinin şikayəti ilə Bakı Apellyasiya Məhkəməsinin hazırlıq iclası keçirilib. Lakin məhkəmənin qərarı müdafiə tərəfə verilməyib və bir həftə sonra Apellyasiya Məhkəməsi işə mahiyyəti üzrə baxaraq, birinci instansiya məhkəməsinin qərarını qüvvədə saxlayıb.
Vəkil bunu blogerin məhkəmə qərarından şikayət vermək hüququnun pozuntusu adlandırır. Buna görə müdafiə tərəfi Bakı Apellyasiya Məhkəməsinin hazırlıq iclasının qərarından kassasiya şikayəti verib.
Lakin Ali Məhkəmə mayın 14-də bu şikayəti təmin etməyib.
Bundan başqa, müdafiə tərəfi Apellyasiya Məhkəməsinin işin mahiyyəti üzrə qərarından da kassasiya şikayəti verib.
Ali Məhkəmədə bu şikayətə baxılmasının tarixi hələ məlum deyil.
Vəkil Azər Nağıyev hesab edir ki, Ağaaddinə qarşı bütün ittiham onu saxlayan polislərin iddiaları əsasında qurulub və onun təqsirinin başqa sübutu yoxdur.
Ramazanov 9 may 2013-cü ildə metronun “20 yanvar” stansiyası yaxınlığında saxlanılıb. Polisin iddiasına görə, Ramazanovun üzərində 9 qr heroin tapılıb. Lakin Ramazanov ittihamı təkzib edərək, narkotikin onun üzərinə siyasi motivlərlə qoyulduğunu bildirib. Bloger facebook-da Azərbaycan hakimiyyətini kəskin tənqid etməsi ilə məşhurdur.
Xüsusən, o, İlham Əliyevin üçüncü dəfə prezidentliyə namizədlik irəli sürməsinə istehza edərək, onun, görünür, Ginnesin rekordlar kitabına daxil olmaq istədiyini qeyd edirdi.
O, Azərbaycan hakimiyyətini “şeytan Əliyev rejimi” adlandırır.
13 noyabr 2013-cü ildə Bakı Ağır Cinayətlər Məhkəməsi blogeri 234.4.3-cü (böyük ölçüdə narkotik vasitənin qanunsuz saxlanması və satışı) maddə ilə təqsirli bilərək 9 il müddətinə azadlıqdan məhrum edib.
Amnesty International Ağaaddini “vicdan məhbusu” kimi tanıyıb. -16B06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz