![Ali Məhkəmə jurnalistə qarşı prokurorluğun protestini təmin etməyib](https://turan.az/resized/media/2017/main/011700180631-750-500-resize.webp)
Ali Məhkəmə jurnalistə qarşı prokurorluğun protestini təmin etməyib
Bu gün Ali Məhkəmə jurnalist Elçin Həsənovun həbsə məhkum edilməsi üçün cəzasının sərtləşdirilməsi barədə prokurorluğun protestini təmin etməyib.
Ali Məhkəmə jurnalistin islah işləri şəklində cəzalandırılması barədə aşağı instansiyaların qərarını qüvvədə saxlayıb. Bu barədə Turan-a E.Həsənov özü bildirib.
Cinayət işinə 2015-ci ilin fevralında E.Həsənovla “Asiya” agentliyinin rəhbəri Cəfər Cəfərov arasındakı insident səbəb olub. İyunun 1-də məhkəmə onun 1 il müddətinə icbarı işə cəlb edilməsi barədə qərar çıxarıb.
Prokurorluq bu hökmdən protest verərək ittihamın daha ağır maddəyə - CM-in 221.3-ci maddəsinə (odlu silah tətbiq etməklə xuliqanlıq) tövsif edilməsini və cəzanın 3,5 il müddətinə azadlıqdan məhrumetməyədək sərtləşdirilməsini tələb edib.
Lakin Apellyasiya Məhkəməsi cəzanı sərtləşdirməyərək birinci instansiya məhkəmənin hökmünü qüvvədə saxlayıb. Dörd ay keçdikdən sonra prokurorluq bu qərardan da kassasiya protesti verib.
Bununla belə, jurnalistin həbs təhlükəsi qalır. Buna hökmün “icra edilməməsi” səbəb ola bilər. Belə ki, Ə.Həsənovun gəlirinin 20%-nin cəzanın icrasına yönəldilməsi üçün ödənişli iş yeri yoxdur. Əgər fevrala qədər rəsmi işə düzəlməsə 1 il azadlıqdan məhrum edilə bilər.
* Elçin Həsənov Sumqayıtın “Yüksəliş naminə” İnternet qəzetinin (yukselis.info) redaktor müavinidir. Bundan başqa AXCP Ali Məclisinin üzvü və “Sumqayıt Gənclərinin Hüquqi Maarifləndirilməsi” QHT-nin sədr müavinidir.
Elçin Həsənova qarşı cinayət işinin başlanması onun korrupsiya və orduda mənimsəmə mövzusunda nəşrləri ilə eyni vaxta təsadüf edib. -06B-
-
- İqtisadiyyat
- 17 Yanvar 2017 17:21
-
- Cəmiyyət
- 17 Yanvar 2017 18:46
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz