Ali Məhkəmə «McDonalds Azərbaycan» şirkətinin icraçı direktorunun şikayətini təmin etməyib
Mayın 24-də Ali Məhkəmədə İmran Hacıqaibovun sədrliyi ilə “McDonalds Azərbaycan” şirkətinin icraçı direktoru Maqsud Mirzəyevin kassasiya şikayətinə baxılıb. Şikayət onun oğlu Sənan Mirzəyevin 2014-cü il sentyabrın 27-də yol qəzasında həlak olması üzrə cinayət işi ilə əlaqədardır.
2015-ci il mayın 12-də Bakı Ağır Cinayətlər Məhkəməsi “Mercedes» avtomobilinin sürücüsü, Nəsimi Rayon İcra Hakimiyyəti başçısının oğlu İlham Əsgərlini 5,6 il müddətinə azadlıqdan məhrum edib. Lakin iyunun 29-da Bakı Apellyasiya Məhkəməsi cəzanı yumşaldaraq 3 ilə endirib.
2015-ci il noyabrın 2-də Sabunçu Rayon Məhkəməsi İ.Əsgərlini azad edib və bunu onun cəza çəkməyə əngəl törədən xəstəliyinin olması ilə əlaqələndirib.
Ali Məhkəmə İ.Əsgərlinin barəsində qərarı qüvvədə saxlayıb ki, bu da zərərçəkmiş tərəfin narazılığına səbəb olub.
“İlham Əsgərli azadlığa buraxılandan üç gün sonra xaricə gedib. Onun kafedə çəkdirdiyi fotonu mənə göndərdilər. Bundan sonra bildim ki, onu buraxıblar”, - mərhumun atası M.Mirzəyev “Azadlıq” radiosunun Azərbaycan xidmətinə bildirib.
“Hər şeyi olduğu kimi prezidentə çatdıracağam. Dəqiq bilirəm ki, İlham Əsgərlinin azadlığı onun ailəsinə neçəyə başa gəlib, kimə nə qədər vəsait verilib. Bütün bunlar haqda prezidentə danışacağam. Bir tərəfdən prezident məmur övladlarının özbaşınalığının qarşısının alınması barədə göstəriş verir, digər tərəfdən bu göstərişlər yerinə yetirilmir”, - o vurğulayıb.—06D--
-
- Cəmiyyət
- 25 May 2016 14:16
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz