Гияс Ибрагимов
Ali Məhkəmə Qiyas İbrahimovun barəsində hökmü qüvvədə saxlayıb
Bakı/30.11.17/Turan: Bu gün Ali Məhkəmə NİDA Hərəkatının fəalı, 10 il azadlıqdan məhrum edilmiş Qiyas İbrahimovun barəsində hökmü qüvvədə saxlayıb.
Vəkil Zibeydə Sadıqova Turan-a bildirib ki, Q.İbrahimov kassasiya şikayətinə baxılması prosesində "öz istəyilə iştirak etməyib".
Z.Sadıqovanın sözlərinə görə, Q.İbrahimovun nə özündə, nə də evdə narkotik maddə olmayıb, bunu onun üzərinə qoyublar. Həbsin əsl səbəbi Q.İbrahimovun Heydər Əliyevin abidəsinə siyasi şüar yazmasıdır.
Vəkil diqqəti ona yönəldib ki, Q.İbrahimov həbsdən sonra işgəncələrə məruz qalıb və ilkin ifadəni işgəncə altında verib.
Saxlanma zamanı Q.İbrahimovun hüquqları pozulub, seçim üzrə vəkil dəvət etməsinə imkan verilməyib.
Bakı Ağır Cinayətlər Məhkəməsində müdafiə tərəfinin heç bir vəsatəti təmin olunmayıb, Bakı Apellyasiya Məhkəməsi isə təkrar məhkəmə istintaqı aparmaqdan imtina edib.
Müdafiə tərəfi Ali Məhkəmədən xahiş edib ki, Bakı Apellyasiya Məhkəməsinin qərarını ləğv etsin və bəraətverici əsaslarıa cinayət işinə xitam versin. Qısa məşvərətdən sonra məhkəmə hökmü qüvvədə saxlayıb.
Müdafiə tərəfi hökmdən Avropa İnsan Hüquqları Məhkəməsinə müraciət edəcək.
Strasburq məhkəməsinə Q.İbrahimovun həbsindən və ona qarşı işgəncələrdən şikayət göndərilib.
* 2016-cı il mayın 10-da NİDA Hərəkatının üzvləri Qiyas İbrahimov və Bayram Məmmədov Heydər Əliyevin abidəsinə siyasi şüarlar yazdıqdan sonra həbs olunublar. Ancaq onları qanunsuz narkotik maddə dövriyyəsində ittiham edərək 10 il azadlıqdan məhrum ediblər.
"Amnesty International" təşkilatı onları vicdan məhbusları adlandırıb. Təşkilat ittihamın saxtalaşdırıldığını hesab edir.
Hakimiyyət nümayəndələri onları siyasi məhbus hesab etməyərək "konkret cinayət əməli"nə görə həbs olunduqlarını bildirirlər.-06B-
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Rəy yaz