Ali Məhkəmədə Seymur Həzinin şikayətinə baxılması aprelin 13-nə təyin edilib
Azərbaycan Ali Məhkəməsində jurnalist Seymur Həzinin kassasiya şikayətinə baxılması aprelin 13-nə təyin edilib. İlham Cəfərovun sədrliyi ilə keçiriləcək prosesdə Həzinin özünün də iştirak edəcəyi gözlənilir.
Vəkil Adil İsmayılov kassasiya şikayətində aşağı məhkəmə instansiyalarının qərarlarını ləğv etməyi və bəraət çıxararaq, jurnalistin cinayət təqibinə son qoymağı xahiş edir.
Jurnalist ittihamı təkzib edir və onu siyasi motivli hesab edir. Yerli və beynəlxalq hüquq müdafiə təşkilatları onu siyasi məhbus kimi tanıyıb.
2014-cü il avqustun 29-da avtobus dayanacağında Məhərrəm Həsənov adlı şəxs jurnalistə yaxınlaşıb və onu təhqir etməyə başlayıb. Daha sonra o, Həziyə hücum edib və onu döyməyə başlayıb. Özünümüdafiə məqsədilə Həzi hücumçuya əlindəki butılka ilə zərbə endirib. Həmin vaxt polis gəlib, Həzini saxlayıb və bölməyə aparıb.
Seymur Həzi müxalif “Azadlıq” qəzetinin aparıcı icmalçılarından biri, habelə peyk vasitəsilə və İnternetdə yayımlanan, Azərbaycan hakimiyyətini kəskin tənqid edən “Azərbaycan saatı” televerilişinin aparıcısıdır. -1606D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz