Məleykə Abbaszadə. Açiq məmbələrdən foto.
Bakı/07.05.20/Turan: Azərbaycanın ümumtəhsil məktəblərinin 9 və 11-ci siniflərinin buraxılış imtahanlarının iyunda keçirilməsi planlaşdırılır. Bu barədə Dövlət İmtahan Mərkəzinin rəhbəri Məleykə Abbaszadə cümə axşamı keçirilən mətbuat konfransında bildirib.
Onun sözlərinə görə, imtahan suallarına mart-iyun üçün tədris proqramındakı mövzular daxil edilməyəcək.
Ali məktəblərə qəbul imtahanlarına gəlincə, tələbələrin imtahan vermək üçün iki şansı olan əvvəlki illərdən fərqli olaraq, bu il bir imtahan keçiriləcək və imtahan iyulun 20-dən sonra keçiriləcək. Ali məktəblərə qəbul imtahanı üçün sənədlərin qəbulu mayın 12-dən iyunun 5-nə qədər davam edəcək.
Ali məktəblərdə yay imtahan sessiyası iyun-iyul aylarında keçiriləcək, bu barədə təhsil naziri Ceyhun Bayramov bildirib.
Bəzi fənlər üzrə imtahanlar on-layn formada keçirilə bilər.
Sessiyada iştirak edə bilməyən tələbələr imtahanları avqust-sentyabr aylarında xüsusi sessiyada verə biləcək.
9-11-ci siniflər istisna olmaqla, orta məktəb şagirdlərinin biliklərinin yekun qiyməti birinci yarımilin nəticələrinə görə çıxarılacaq. Bu nəticələr əsasında şagirdlər növbəti sinfə keçiriləcək.
Bu tədris ilinin sonuna qədər (15 iyun 2020) məktəblərdə və məktəbəqədər müəssisələrdə dərslərin və tərbiyə prosesinin bərpa edilməsi nəzərdə tutulmur. -06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz