Bakı/13.02.20/Turan: Almaniya polisi “Leqat” İnteqrasiya Mərkəzinin rəhbəri, ötən ilin noyabrında qeyri- leqal miqrasiyaya bağlılıq ittihamı ilə həbs olunmuş Əlövsət Əliyevi istintaq müddətində həbsdən azad edib. Bu barədə Turan-a onun oğlu Türkel Rüstəmxanlı məlumat verib.
Onun sözlərinə görə, bu iş üzrə cəlb edilmiş şəxslərin barəsində istintaq davam edir.
“Atamı istintaq müddətində zaminə buraxıblar. Biz başqaları kimi deyə bilmərik ki, ona bəraət verilib”, - T.Rüstəmxanlı bildirib.
Xatırladaq ki, 2019-cu il noyabrın 13-də Almaniya polisi Azərbaycandan qeyri-leqal miqrasiyanın təşkilində şübhəli bilinən azərbaycanlılardan ibarət qrup üzvlərini həbs edib.
Əlövsət Əliyev Vətəndaş Həmrəyliyi Partiyasının lideri Sabir Rüstəmxanlının qardaşıdır. 06D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz