Amnistiya hazırlanır

Azərbaycan parlamenti mayın 7-də Amnistiya Aktı layihəsinə baxacaq. Layihə İlham Əliyevin həyat yoldaşı Mehriban Əliyeva tərəfindən qanunvericilik təşəbbüsü qaydasında təqdim edilib. Amnistiya Heydər Əliyevin 90 illiyinə həsr olunub.

Bu barədə aprelin 30-da parlamentin plenar iclasında hüquq siyasəti və dövlət quruculuğu komitəsinin sədri Əli Hüseynli bildirib.

Amnistiyanın 9 min nəfərə şamil ediləcəyi, onlardan 2 min nəfərinin həbsdən azad ediləcəyi nəzərdə tutulur.

Xüsusən, cinayət törətməmiş, cəmiyyət üçün böyük təhlükə doğurmayan, habelə az ağır cinayətlərə görə cəzaya məhkum edilmiş qadınlar; 18 yaşına qədər cinayət törətmiş şəxslər; birinci və ikinci qrup əlillər; 60 yaşına çatmış kişilər; himayəsində yetkinlik yaşına çatmamış uşaqları və birinci və ya ikinci qrup əlil uşaqları olan şəxslər; Azərbaycanın ərazi bütövlüyü uğrunda döyüşlərdə iştirak etmiş şəxslər; qaçqınlar və məcburi köçkünlər cəzadan azad ediləcəklər.

Lakin CM-in konkret olaraq hansı maddələrinin amnistiyaya düşdüyü aydın deyil.

Bundan əvvəl iki dəfə - 2007 və 2009-cu illərdə Azərbaycanda amnistiya aktları qəbul edilib və hər ikisində təşəbbüskar Mehriban Əliyeva olub. -16B06-

 

Rəy yaz

Cəmiyyət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti