![“Amrahbank” əmanətçilərinin növbəti etiraz aksiyası](https://turan.az/resized/750/500/resize/media/2020/main/081800029785.jpg)
“Amrahbank” əmanətçilərinin növbəti etiraz aksiyası
Bakı/18.08.20/Turan: lisenziyası ləğv olunmuş “Amrahbank”ın əmanətçiləri bu gün Mərkəzi Bankın qarşısında toplaşıblar. Onlar bundan öncə Konstitusiya Məhkəməsinin AGBank, “Atabank” və NBC Bank əmanətçilərinin xeyrinə qərar çıxarmasından narazıdırlar. Amma nədəncə bu qərar “Amrahbank”ın əmanətçilərinə şamil olunmayıb.
Toplaşanların sözlərinə görə, avqustun 12-də Əmanətlərin Sığortalanması Fondunun
direktoru onları əmin edib ki, hesablara qoyulmuş bloklar açılacaq. Ancaq bu, indiyədək baş tutmayıb.
Polis əməkdaşları toplaşanlara AMB-nin qarşısındakı ərazini tərk etməyi və Əmanətlərin Sığortalanması Fonduna müraciət etməyi tövsiyə ediblər. Aksiya insidentsiz başa çatıb
Xatırladaq ki, 4 bank aprel ayında lisenziyadan məhrum edilib. Ləğvetmə prosesi zamanı məlum olub ki, banklar əhalidən əmanətləri qəbul etməyə davam ediblər, hərçənd ki, AMB bundan xeyli öncə pis maliyyə vəziyyəti nəzərə alınmaqla bunu qadağan etmişdi. –06D-
-
- İqtisadiyyat
- 18 Avqust 2020 13:08
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz