Vəkil Rəşid Hacılı ötən həftənin sonunda Bakı təcridxanasında saxlanılan Anar Məmmədliyə baş çəkib.
O, Turan-ın müxbiri ilə söhbətində bildirib ki, A.Məmmədli soyuq kamerada saxlanmasından şikayətlənib. Bu səbəbdən xəstələnib.
Vəkil qeyd edib ki, həbsdən sonra A.Məmmədlinin barəsində istintaq hərəkətləri aparılmır və istintaqın gedişi ilə bağlı vəkillərə məlumat verilmir.
Anar Məmmədli 2013-cü il dekabrın 16-da həbs edilib. O, qanunsuz sahibkarlıq, vergidən yayınma, vəzifə səlahiyyətini aşmaqda ittiham olunub. Məhkəmə onu üç aylığa həbs edib. Amnesty International hüquq-müdafiə təşkilatı A.Məmmədlini “vicdan məhbusu” kimi tanıyıb. Digər hüquq-müdafiə təşkilatı - Front Line Defenders A.Məmmədlini Soçidə keçirilən Olimpiya oyunları ilə əlaqədar barələrində kampaniya başlamış 12 hüquq müdafiəçisinin siyahısına daxil edib.
A.Məmmədlinin həbsinin əsl səbəbi ötən ilin oktyabrında Azərbaycanda keçirilən prezident seçkilərinin saxtalaşdırılmasını ifşa etməsdir -16B06-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz