ANS ədaləti o biri dünyada axtarmaq qərarına gəlib
Bakı/17.05.17/Turan: 10 ay əvvəl lisenziyadan məhrum edilmiş ANS telekanalının rəhbərliyi 2003-cü ildə vəfat etmiş Azərbaycan prezidenti Heydər Əliyevə kömək xahişi ilə müraciət edib.
Bu qəribə müraciət "Azadlıq Radiosu"nun bir neçə həftə əvvəl hakimiyyət tərəfindən bloklanmış saytında dərc olunub.
"Ruhunuzu narahat etdiyimizə görə üzr istəyirik. Amma başqa çıxış yolumuz qalmadı. Özünüz bizə dəfələrlə tapşırmışdınız ki, bir çətinliyə düşsək, sizə müraciət edək. İndi məhz o zamandır", deyə müraciətdə qeyd olunur.
"10 aydan çoxdur ki, telekanal bağlanıb, yuxarılara bütün müraciətlərimiz isə cavabsız qalıb".
ANS-in "öz dostu və qardaşı, demokratik azadlıqların təminatçısı hesab etdiyi" hazırki dövlət başçısına da səslərinin gedib çatmamasından narazılıq ifadə olunur.
Müraciətdə telekanalın xidmətləri sadalanır, kanalın yaradıcıları onu "vicdanlı informasiya modeli" adlandırırlar.
14 il əvvəl vəfat etmiş Heydər Əliyevə bir daha müraciət edən müraciət müəllifləri çoxmənalı olaraq qeyd edirlər ki: "Biz sizin yolunuzla gedirik".
Xatırladaq ki, kanal Milli Teleradio Şurasının təqdimatı əsasında lisenziyadan məhrum edilib. Məhkəməyə iddia verilməsinə səbəb kanalın terrorçuluğun təbliğində və Türkiyə ilə münasibətlərə zərbə vurmaqda ittiham olunması olub. Buna isə ABŞ-da yaşıyan ilahiyyatçı Fətullah Gülənlə müsahibə hazırlanması və telekanalın efirində dövlət çevrilişi cəhdində Erdoğanın özünün təqsirli olduğu haqqında bəyanatlar səslənməsi səbəb olub.
Hazırda telekanalın Azərbaycan EA-nın Zoologiya İnstitutunun binasında yerləşən ofisi möhürlənib. Akademiya rəhbərliyi ofisi boşaltmağı tələb edib və prokurorluğa müvafiq müraciət təqdim edib. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz