Qafqaz Müsəlmanları İdarəsi (QMİ) nəzdində fəaliyyət göstərən din xadimlərinin təkmilləşdirilməsi kurslarının növbəti 4-cü buraxılışı olub. Bu haqda Turan-a QMİ-dəki mənbələrdən məlum olub.
Kursların növbəti mərhələsinin bitməsi ilə bağlı cümə günü keçirilən tədbirdə QMİ sədri, şeyxülislam Allahşükür Paşazadə çıxış edib.
QMİ sədri bu kursların fəaliyyətini ölkədə din-dövlət münasibətlərinin yüksək səviyyədə olmasının göstəricisi hesab edib. A.Paşazadə bu kursları bitirən din xadimlərinin üzərinə böyük məsuliyyət düşdüyünü söyləyib.
QMİ sədri bu kursların din xadimlərinin bilik və dünya görüşünün artırılması baxımından mühüm rola malik olduğunu deyib. Bu kursların bundan sonra da davam etdiriləcəyini söyləyib.
QMİ sədri ölkənin bəzi gənclərinin “cihad” adı ilə terrorçu şəbəkənin əlinə düşməsini islamın düzgün izah edilməməsi ilə əlaqələndirib. A.Paşazadəyə görə din düzgün təbliğ olunduğu halda belə hallar aradan qalxa bilər. -05D-
Cəmiyyət
-
“Uşaq Qaynar Xətti” 2024-cü ilin 3-cü rübünün nəticələrini açıqladı 2024-cü ilin iyul, avqust, sentyabr ayları ərzində “Azərbaycan Uşaq Qaynar Xətt” xidmətinə (AUQX) ümumilikdə 481 müraciət daxil olub. Xidmətin təqdim etdiyi hesabata əsasən, müraciətlərin 138-i hüquqi məsələlər, 63-ü psixoloji dəstək, 41-i sosial çətinliklər, 38-i təhsil problemləri, 5-i isə səhiyyə sahəsinə aid olub. Digər kateqoriyaya daxil olan və naməlum zənglərin sayı 196 təşkil edib.
-
Noyabr ayında havanın orta aylıq temperaturu əsasən iqlim normasına yaxın olacaq. Aylıq yağıntının miqdarı bəzi ərazilərdə normadan bir qədər çox olacaq.
-
Cümə günü, noyabrın 1-də paytaxtda və Abşeron yarımadasında yağıntı gözlənilmir. Axşam bəzi yerlərdə duman olacağı ehtimal olunur. Şimal-qərb küləyi günün ikinci yarısında cənub-şərq küləyinə keçəcək.
-
Bakının Suraxanı rayonunun Qaraçuxur qəsəbəsi ərazisində yerləşən "General Hospital" Tibb Mərkəzində yol verilən qanunsuzluqlarla bağlı daxil olmuş vətəndaş müraciəti əsasında rayon prokurorluğunda araşdırma aparılıb.
Rəy yaz