Noyabrın 15-də Bakı-Naxçıvan-Bakı reysində imtiyazlardan körpələr də istifadə edə biləcək

Noyabrın 15-dən Bakı-Naxçıvan-Bakı reysi üçün biletlər əldə ediləndə 10 manat həcmində imtiyazlar 2 yaşdan 5 yaşına qədər olan uşaqlara da şamil ediləcək. Müvafiq № 363 qərar oktyabrın 31-də Nazirlər Kabineti tərəfindən qəbul edilib və hökumətin saytında (cabmin.gov.az) yalnız noyabrın 12-də dərc edilib.

2007-ci ilin dekabr ayında hökumət Bakı-Naxçıvan-Bakı aviareysinə dair tariflərdə 1994-cü ildən qüvvədə olan imtiyazlara yenidən baxıb. Əgər buna qədər Naxçıvan muxtar respublikasında imtiyazlı şəxslər kateqoriyası (əlillər, pensiyaçılar, əyani təhsil alan tələbələr, 5 yaşdan 12 yaşa qədər olan uşaqlar) biletin 70%-i qədər imtiyaza malik idilərsə, 2008-ci ildən imtiyaz 10 manatla məhdulaşdı. Bu zaman həmin imtiyaz 18 yaşına qədər məhdud imkanlı şəxslərə, həmçinin bütün ölkə vətəndaşlarına və vətəndaşlığı olmayan şəxslərə də şamil edildi. Bundan əlavə, biletin qiyməti 70 manat olduğu halda sərnişinlər (əcnəbilər istisna olmaqla) 20 manat ödəməkdən azad edilib.

Hökumət “Azərbaycan Hava Yolları” dövlər QSC-ə itkilərə görə subsidiyalar ödəyir. 2012-ci ildə subsidiyaların həcmi 7 553,6 min, 2013-cü ildə – 9 850 min manat təşkil edib. 2014-cü ildə isə 10 mln 10 min manat həcmində subsidiya planlaşdırılır.

Dövlət Statistika Komitəsinin məlumatına görə, 2012-ci ildə daili reyslərlə (əsasən Bakı-Naxçıvan və Naxçıvan-Bakı) 275 min, 2013-cü ildə 293 min sərnişin daşınıb. 08D