Açiq mənbələrdən foto.
Bakı/07.04.23/Turan: Aprelin 7-də Bakı Apellyasiya Məhkəməsi Azərbaycan Xalq Cəbhəsi Partiyasının üzvü Zamin Salayevin ev dustaqlığına keçirilməsindən imtina ilə bağlı şikayətini təmin etməyib.
Vəkil Nemət Kərimli Turan-a bildirib ki, müdafiə tərəfi məhkəmənin diqqətinə çatdırıb ki, iş üzrə ibtidai istintaq aprelin 6-da başa çatıb və Salayevi həbsdə saxlamağa əsas yoxdur. İstintaq həbsi onunla əsaslandırıb ki, Salayev azadlıqda olarsa "proses iştirakçılarına (zərərçəkənə və şahidlərə) təzyiq göstərə bilər.
Bununla belə, məhkəmə şikayəti təmin etməyib.
Zamin Salayev məhkəmədə çıxış edərək yenidən öz həbsini siyasi sifariş adlandırıb.
Vəkil qeyd edib ki, Salayev 60 sutkadır aclığı davam etdirir. "Hər gün vəziyyəti daha da pisləşir, yeni problemlər ortaya çıxır",- Kərimli deyib.
Ümumilikdə Salayevin vəziyyəti ağırdır, çətinliklə hərəkət edir, çox halsızdır, böyrəklərində ağrı var.
Gələn həftə işin məhkəməyə göndəriləcəyi gözlənilir.
Xatırladaq ki, fevralın 8-də Bakının Qaradağ Rayon Məhkəməsi Salayevi üç ay müddətinə həbs edib. Ona qarşı Cinayət Məcəlləsinin 221.3-cü maddəsilə cinayət işi açılıb. Fəalı 5 ilədək həbs təhlükəsi gözləyir.
Zamin Salayev məhkəmədə bildirib ki, ona qarşı irəli sürülən ittiham yalandır və onu sosial şəbəkələrdə hakimiyyəti tənqid etdiyinə görə cəzalandırırlar. 30C06
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz