![Apellyasiya Məhkəməsi AXCP fəalı Üzeyir Abbasovu həbsdə saxlayıb](https://turan.az/resized/750/500/resize/media/2017/main/091400004505.jpg)
Apellyasiya Məhkəməsi AXCP fəalı Üzeyir Abbasovu həbsdə saxlayıb
Bakı/14.09.17/Turan: Bakı Apellyasiya Məhkəməsi (BAM) AXCP fəalı Üzeyir Abbasovun 30 sutka inzibati həbsi ilə bağlı şikayətini təmin etməyib. Bu barədə Turan-a vəkil Əsabəli Mustafayev bildirib
Vəkilin sözlərinə görə, Ü.Abbasov sentyabrın 2-də saxlanılıb.
Onu evdən Səbayel Rayon Polis İdarəsinin 8-ci bölməsinə aparıblar. Polisdə fəala Facebook-da siyasi karikatura və şərhləri ilə bağlı iradlarını bildiriblər. Fəalın bütün tənqidi statuslarını siliblər.
Bundan sonra onu buraxıblar, ancaq növbəti gün Bakı Şəhər Baş Polis İdarəsinə gəlməsini tapşırıblar. Ü.Abbasov polisdən çıxdıqdan sonra ABŞ səfirliyinə gedib ki, baş verənlərlə bağlı məlumat versin. Ancaq diplomatik missiyanın girişində onu saxlayıblar. Sentyabrın 5-də Səbayel Rayon Məhkəməsi fəalı polisə tabe olmamaq ittihamı ilə 30 sutka inzibati həbs edib. O, İnzibati Xətalar Məcəlləsinin 535.1-i maddəsi (polis əməkdaşlarının qanuni tələblərinə məhəl qoymamaq) ilə təqsirli bilib.
Vəkilin sözlərinə görə, BAM məhkəmə çəkişməsini formal olaraq keçirib.
BAM Ü.Abbasovu məhkəmə qarşısına çıxarmazdan öncə onun qanunsuz olaraq 61 saat həbsdə saxlanmasını da nəzərə almayıb.
"Ancaq biz Avropa İnsan Hüquqları Məhkəməsinə müraciət üçün bu mərhələni keçməliydik", - Ə.Mustafayev vurğulayıb.
Ü.Abbasov inzibati qaydada həbs olunanların saxlandığı təcridxanada saxlanma şəraitindən şikayətlənib.
Belə ki, 2 nəfər üçün nəzərdə tutulmuş kamerada dörd nəfər saxlanılır. Bu səbəbdən onlar növbə ilə yatırlar. Vəkil bununla bağlı müvafiq orqanlara müraciət edəcək.-06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz