Noyabrın 23-də Bakı Apellyasiya Məhkəməsi AXCP Gənclər Komitəsinin üzvü Emil İsgəndərovun apellyasiya şikayətini təmin etməyib, o, həbsdə saxlanılıb.
Emil İsgəndərov noyabrın 15-də Bakının Binə qəsəbəsində saxlanılıb. Yasamal rayon Məhkəməsi ona inzibati qaydada 30 sutka həbs verib.
AXCP E.İsgəndərovun həbsini hakimiyyətin müxalif əhval-ruhiyyəli gənclərə qarşı repressiyalarının tərkib hissəsi kimi qiymətləndirib.
Vəkil Əsabəli Mustafayev facebook səhifəsində yazıb: “Bu gün cəbhəçi fəal İsgəndərov Emil barədə 30 gün müddətinə inzibati həbs tədbiri tətbiq olunmasından verilmiş apellyasiya şikayətinə baxıldı. Rəsmi versiya köhnədən qalmadır: küçədə gedərkən yüksək səslə mobil telefonla danışıb, söyüş söyüb, bu hərəkətin dayandırılması barədə polisin tələbinə tabe olmayıb. Bu versiyanı təkzib edən əsas versiyamız: tutulanda onun üzərində ümumiyyətlə telefon olmayıb. Sübut: üzərindən çıxan əşyaların içərisində telefon yoxdur. Polislər gəlib evdən aparıblar, ailə üzvləri buna şahiddirlər”, deyə vəkil qeyd edib. -03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz