Bakhtiyar Hajiyev
Bakı/24.05.23/Turan: Çərşənbə günü Bakı Apellyasiya Məhkəməsi ictimai fəal Bəxtiyar Hacıyevin ev dustaqlığına köçürülməsindən imtina ilə bağlı şikayətini təmin etməyib.
Onun vəkili Fəxrəddin Mehdiyevin Turan-a verdiyi məlumata görə, Hacıyev prosesdə iştirak edib və məhkəmədən istintaqın uzadılmasına hüquqi qiymət verməyi xahiş edib.
Vəkilin sözlərinə görə, Hacıyev barəsində heç bir istintaq hərəkəti aparılmır və onun həbsdə saxlanılması əsassızdır. Lakin məhkəmə Hacıyevin xahişini diqqətdən kənarda qoyub və şikayəti təmin etməyib.
Vəkil həmçinin uzunmüddətli aclıq aksiyası nəticəsində Hacıyevin səhhətində problemlər olduğunu qeyd edib. “Bəxtiyarın psixoloji vəziyyəti çox gərgindir. Onda panik atak başlayıb. O, dərman içir, amma bunun xüsusi bir təsiri yoxdur”, deyə vəkil bildirib.
** Bəxtiyar Hacıyev ötən il dekabrın 9-da xuliqanlıq və məhkəməyə qarşı hörmətsizlik ittihamı ilə həbs edilib. Elə həmin gün Xətai Rayon Məhkəməsi onu 1 ay 20 gün müddətinə azadlıqdan məhrum edib.
9 yanvar 2023-cü il tarixində Apellyasiya Məhkəməsi onu azad etməkdən imtina edib və o, aclığı bərpa edib. Yanvarın 21-də məhkəmə onun həbs müddətini 1 ay, fevralın 23-də isə daha iki ay - aprelin 28-nə qədər uzadıb.
Fevralın 28-də - aksiyanın 51-ci günündə Hacıyev aclığı dayandırıb.
ABŞ Dövlət Departamentinin, ABŞ Senatının, Avropa İttifaqının, Avropa Şurasının nümayəndələri və bir sıra beynəxalq QHT-lər dəfələrlə Hacıyevin həbsdən azad edilməsini tələb ediblər. 03B06
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz