Али Инсанов
Bakı/22.06.17/Turan: Bu gün Bakı Apellyasiya Məhkəməsi keçmiş səhiyyə naziri Əli İnsanovun 7 il azadlıqdan məhrum edilməsi barədə hökmü qüvvədə saxlayıb.
Xatırladaq ki, Ə.İnsanov 2005-ci ilin oktyabrında dövlət çevrilişinə cəhddə ittiham olunaraq həbs edilib. Sonradan iqtisadi cinayətlərə görə 11 il azadlıqdan məhrum edilib.
2016-cı ilin oktyabrında həbs müddətinin bitməsinə 56 gün qalmış ona qarşı narkotik maddə saxlamaq və hakimiyyət nümayəndəsinə müqavimət göstərmək kimi yeni ittihamlar irəli sürülüb. 2016-cı il oktyabrın 11-də Qaradağ Rayon Məhkəməsi onu 7 il həbs edib.
Hələ 2013-cü il martın 14-də Avropa məhkəməsi Ə.İnsanovun ədalətsiz mühakimə edilməsi barədə qərar çıxarıb. Ancaq Azərbaycan hakimiyyəti hökmü dəyişməyib, əksinə onu yenidən mühakimə edib.
Ə.İnsanov bugünkü prosesdə iştirakdan imtina edib və onun şikayətinə təkrar məhkəmə istintaqı ilə baxılmasını xahiş edib.
"Biz Əli İnsanovun guya psixotrop maddələri saxladığı şüşə flakonun üzərindəki barmaq izlərinin ekspertizası barədə vəsatət qaldırdıq. Həmçinin Əli İnsanovun guya cırdığı protokolun da ekspertizası keçirilməyib. Belə ki, kağızda barmaq izləri qalmalıydı.
Əli İnsanovun qanında psixotrop maddənin olub-olmaması ilə bağlı kimyəvi ekspertiza da keçirilməyib", - vəkil Ağaveyis Şahverdiyev bildirib.
O deyib ki, birinci instansiya məhkəmədə şahid Anar Təhməzov dindirilib. O bildirib ki, Ə. İnsanovda bu flakonu görməyib. Ancaq hökmdə onun sözləri təhrif edilib. "Bu ziddiyyətlərə aydınlıq gətirilməsi üçün Anar Təhməzov məhkəməyə çağırılmalıdır", - vəkil qeyd edib.
O deyib ki, Ə.İnsanovun əşyalarının saxlandığı otağa baxış keçirilib, şahidlər çağırılıb. Ancaq onun özü 50 metr aralıda olsa da çağırmayıblar.
Vəkil hökmün sərt olmasına etirazını bildirib. "Bu şəxs 4 akademiyanın üzvüdür. O, Azərbaycanda dərman kəşf edən yeganə alimdir. Hətta cinayət törətsə belə, bu cür sərt cəza nəyə lazımdır", - vəkil vurğulayıb.
O, məhkəmədən Əli İnsanova bəraət verilməsini xahiş edib. Ancaq məhkəmə hökmü qüvvədə saxlayıb.03B06-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz