Bu gün Bakı Apellyasiya Məhkəməsində hakim Həsən Əhmədovun sədrliyilə AXCP sədrinin köməkçisi, “Azadlıq” qəzetinin maliyyə direktoru Faiq Əmirovun həbsindən apellyasiya şikayətinə baxılıb.
Məhkəmə şikayəti təmin etməyib. Bunu Turan-a vəkil Aqil Layicov bildirib. Onun sözlərinə görə, F.Əmirov prosesdə iştirak edib. O, ittihamları yenidən rədd edərək cinayət işini uydurma adlandırıb.
Müdafiə tərəfi Avropa İnsan Hüquqları Məhkəməsinə müraciət etmək niyyətindədir.
Vəkil qeyd edib ki, həbsdən sonra F.Əmirovun barəsində heç bir istintaq hərəkəti həyata keçirilməyib.
*F.Əmirov avqustun 20-də həbs edilib. İki gündən sonra Nəsimi Rayon Məhkəməsi onun barəsində 3 ay müddətinə həbs qətimkan tədbiri seçib.
Baş Prokurorluğun Ağır Cinayətlər İdarəsi onu 168.1 (dini ayinlərin icrası adı altında vətəndaşların hüquqlarına qəsd) və 283.2.2-ci maddələr (öz vəzifə xidmətindən istifadə etməklə milli, irqi və ya dini ədavətn salınması) ilə ittiham edib
İstintaq F.Əmirovu Fətullah Gülənin Azərbaycandakı tərəfdarlarının “imam”ı adlandırıb.
Buna “əsaslı sübut” kimi guya F.Əmirovun avtomobilinin yük yerindən tapılan iki kitab göstərilib. Sonradan məlum olub ki, bu kitablar Azərbaycanda hakimiyyətin dəstəyilə nəşr edilib.
“Sərhədsiz reportyorlar” təşkilatı F.Əmirovun həbsini pisləyərək onun azad edilməsinə çağırıb.——16D--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz