![Apellyasiya Məhkəməsi fəalı həbsdə saxlayıb](https://turan.az/resized/750/500/resize/media/2020/main/031300024742.jpg)
Apellyasiya Məhkəməsi fəalı həbsdə saxlayıb
Bakı/13.03.20/Turan: Martın 13-də Bakı Apellyasiya Məhkəməsi Milli Məclisə seçkilər üzrə 32 saylı Suraxanı üçüncü seçki dairəsindən deputatlığa namizəd Fikrət Cəfərlinin məşvərətçi səs hüquqlu komissiya üzvü Fuad İsmayılovun şikayətini təmin etməyib. Bu barədə vəkil Cavad Cavadov məlumat verib.
Vəkil məhkəmənin qərarından Avropa İnsan Hüquqları Məhkəməsinə şikayət verəcəyini bildirib.
Martın 7-də Suraxanı Rayon Məhkəməsi F.İsmayılovu İnizbati Xətalar Məcəlləsinin 206-cı maddəsi (qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi) ilə günahlandıraraq iki ay inzibati həbsə məhkum edib.
Vəkilin sözlərinə görə, F.İsmayılov narkotik ittihamını qəbul etmir və artıq 6-cı gündür ki, etiraz olaraq aclıq edir. Vəkil onun F.İsmayılovla görüşünə icazə verilmədiyini bildirib.
“Fuad İsmayılov həbsi zamanı, narkoloji dispanerdə və Binəqədidə DİN inzibati həbs olunanların saxlanma məntəqəsində işgəncəyə məruz qalıb.
“İşgəncə faktı ilə bağlı prokurorluğa müraciət edəcəm”, - o qeyd edib.
Məhkəmə iclasında iştirak edən deputatlığa namizəd olmuş Fikrət Cəfərli ombudsmana və beynəlxalq təşkilatlara müraciət edərək F. İsmayılova qarşı işgəncələrin dayandırılmasına kömək etmələrini xahiş edib.
“Fuad İsmayılovun qulağında qanaxma var, dizi əzilib. Onun vəkili və ailə üzvləri ilə görüşünə imkan verilmir. Fuad bəy bütün bunlara etiraz olaraq artıq altıncı gündür aclıq edir”,- F.Cəfərli qeyd edib.
F.Cəfərli bildirib ki, F.İsmayılov 32 saylı Suraxanı üçüncü seçki dairəsinin 8-ci seçki məntəqəsində səsvermə zamanı qanunsuzluğun qarşısını alıb.
“Həmin məntəqədə səsvermənin nəticələri etibarsız sayılıb”.
F.Cəfərli seçki məntəqəsində baş verən qarşıdurma ilə bağlı video da yayıb. Videoda F.İsmayılov səsvermə zamanı qanun pozuntusunun qarşısını alarkən polis əməkdaşları məntəqəyə daxil olur və onu zorla məntəqədən çıxarmağa cəhd edir.
F.İsmayılov fevralın 21-də Mərkəzi Seçki Komissiyasının binası qarşısında divara seçki qanunvericiliyinin pozulmasına etiraz olaraq “Fu Məzi” şüarı (MSK sədri Məzahir Pənahova etiraz kimi ictimaiyyət belə ifadələr səsləndirir-red.) yazdığına görə saxlanılmışdı.
Rəsmi qurumlar hələ F.İsmayılovun saxlanılması barədə məlumat yaymayıb və onun ailəsinə də hər hansı məlumat verilməyib.-03D06-
-
- Siyasət
- 13 Mart 2020 17:30
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz