Açiq mənbələrdən foto.
Bakı/23.08.23/Turan: Çərşənbə günü Bakı Apellyasiya Məhkəməsi "Demokratiya 1918" Hərəkatı yanında Azərbaycan Həmkarlar İttifaqları Konfederasiyasının İdarə Heyətinin üzvü Ayxan İsrafilovun həbsindən şikayətə baxıb. Məhkəmə şikayəti təmin etməyib və İsrafilovu həbsdə saxlayıb. Bu barədə Turan-a "Demokratiya 1918" Hərəkatının sədri Əhməd Məmmədli bildirib.
Onun sözlərinə görə, İsrafilov məhkəmədə bildirib ki, cinayət işini uydurma hesab edərək, irəli sürülən ittihamı rədd edir.
Xatırladaq ki, İsrafilov 234-cü maddə (narkotik maddələrin qanunsuz dövriyyəsi) ilə ittiham olunub və avqustun 12-də Nərimanov məhkəməsinin qərarı ilə 4 ay müddətinə həbs edilib.
Tərəfdarları İsrafilovun həbsini onun Həmkarlar İttifaqı fəaliyyətilə əlaqələndirirlər. Avqustun 1-də kuryerlərin qida çatdırılması ilə bağlı etirazından sonra saxlanılan üçüncü fəaldır.
Konfederasiyanın rəhbəri Afiyəddin Məmmədov inzibati iş üzrə 30 sutka həbs edilib. Elvin Mustafayevə qarşı narkotik maddələrin qanunsuz dövriyyəsilə bağlı cinayət ittihamı irəli sürülüb və 4 ay müddətinə həbs edilib. 03D06
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz