Гияс и Гасан Ибрагимов
Bakı/14.02.18/Turan: Bu gün Apellyasiya Məhkəməsində gənc fəal Qiyas İbrahimovun və onun atası Həsən İbrahimovun işi üzrə ilkin baxış iclası başa çatıb.
Ata və oğul CM-in 289.2-ci maddəsi (məhkəməyə hörmətsizlik) ilə təqsirli biliniblər. Yasamal Rayon Məhkəməsi Q.İbrahimovu 3 ay azadlıqdan məhrum edib. Beləliklə, 10 illik həbs cəzasına 3 ay da əlavə olunub.
H.İbrahimov əməkhaqqından aylıq 20% tutulmaqla 1,5 il islah işlərinə cəlb edilib.
Fevralın 6-da Bakı Apellyasiya Məhkəməsində iş üzrə ilkin iclas olub. Vəkil Zibeydə Sadıqova məhkəmə heyətinə etiraz edib. Çünki məhz buranın hakimləri ata və oğul İbrahimovları məsuliyyətə cəlb ediblər. Bu gün iclasın əvvəlində elan edilib ki, məhkəmə rəhbərliyi etirazı təmin etməyib.
Sonra vəkil Elçin Sadıqov qismən məhkəmə istintaqının aparılması ilə apellyasiya şikayətinə baxılması barədə vəsatət qaldırıb. O, bunu onunla əsaslandırıb ki, İbrahimovlardan şikayət edən Apellyasiya Məhkəməsinin üç hakimi birinci instansiya məhkəməsinə gəlməyiblər və ifadə verməyiblər. Ancaq hakim vəsatəti təmin etməyib və mahiyyəti üzrə dinləmələri 21 fevral saat15:00-a təyin edib.
Cinayət işinə bu il iyunun 5-də Bakı Apellyasiya Məhkəməsində baş vermiş insidentlə əlaqədar başlanılıb. Belə ki, "şüşə qəfəs"də olan Q.İbrahimov dövlət ittihamçısının çıxışı zamanı mikrofonu sındırıb (Qiyas İbrahimov və Bayram Məmmədov Heydər Əliyevin abidəsinə siyasi şüarlar yazdıqdan sonra narkotik maddələrin qanunsuz dövriyyəsində ittiham olunaraq 10 il azadlıqdan məhrum ediliblər).
Bundan öncə isə hakim Qiyasın heç nə eşitməməsi barədə çağırışlarına məhəl qoymayıb. Məhkəmə nəzarətçiləri "qəfəs"ə yaxınlaşaraq Q.İbrahimovun əllərini qandallayıblar, ona qarşı kobudluq ediblər. Bundan qəzəblənən ata hakimi zorakılığa son qoyulmasına çağırıb. "Gün gələcək, sizin də övladlarınızın başına belə şeylər gələcək", - o çığırıb.
Bakı Apellyasiya Məhkəməsinin hakimləri Vüqar Məmmədov, Əflatun Qasımov və Əmir Bayramov bunu özlərinə qarşı hörmətsizlik kimi qiymətləndiriblər.03B06-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz