Dünən Şirvan Apellyasiya Məhkəməsi şiə ilahiyyatçı və Azərbaycan “Din Xadimləri Məclisi” ictimai birliyinin üzvü Sərdar Babayevin (Hacıhəsənlinin) həbs müddətinin uzadılması ilə bağlı şikayəti təmin etməyib.
Vəkil Cavad Cavadovun Turan-a verdiyi məlumata görə, məhkəmə öz qərarını onunla izah edib ki, Sərdar Babayev azadlıqda qalsa, “cinayət fəaliyyətini” davam etdirəcək. İstintaq “dini ayinlərin icrasını” cinayət hesab edir”, deyə vəkil bildirib.
Cavadov həmçinin qeyd edib ki, Babayevin işinə baxılması ilə əlaqədar Şirvan Apellyasiya Məhkəməsi qarşısında gücləndirilmiş təhlükəsizlik tədbirləri görülüb.
Polis vəkilin öz maşınını məhkəmə binasının qarşısına buraxmayıb. “Yalnız məhkəmə ilə telefon danışıqlarından və mənsiz məhkəmənin baş tutmayacağını izah etdikdən sonra polis məni buraxıb”, deyə Cavadov bildirib.
Xatırladaq ki, Babayev fevralın 22-də CM-in 168-1.3-cü (dini təbliğat aparılması tələblərinin pozulması) maddəsi ilə ittiham olunaraq həbs edilib.
İstintaqın iddiasına görə, o, xaricdə təhsil almasına baxmayaraq dini ayinlər keçirməklə qanunu pozub.
Müdafiə tərəfi qanunun bu normasını Avropa Konvensiyasına zidd hesab edir və Qafqaz Müsəlmanları İdarəsinin rəhbərlərinin də xaricdə təhsil almasına diqqət çəkir. -03B-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz