REAL hərəkatının rəhbəri İlqar Məmmədovun və Müsavat Partiyasının sədr müavini, publisist Tofiq Yaqublunun apellyasiya şikayəti üzrə məhkəmə baxışı 2016-cı il fevralın 25-nə təyin edilib. Bu barədə Turan-a İlqar Məmmədovun vəkili Fuad Ağayev bildirib.
Ali Məhkəmə oktyabrın 13-də kassasiya şikayətinə baxaraq, yenidən baxılması üçün cinayət işinin Şəki Apelyasiya Məhkəməsinə göndərilməsi barədə qərar çıxarıb.
Xatırladaq ki, Avropa Şurası Nazirlər Komitəsinin dekabrın 8-10-da növbəti iclası keçiriləcək. Bu iclasada İlqar Məmmədovun və Tofiq Yaqublunun işi üzrə Avropa İnsan Hüquqları Məhkəməsinin qərarının icrasına yenidən baxılması nəzərdə tutulub.
Strasburq dəfələrlə Azərbaycan hakimiyyətindən bu qərarı icra etməyi və Məmmədovu azad etməyi tələb edib. Lakin rəsmi Bakı bu tələblərə məhəl qoymur.
T.Yaqublu və İ.Məmmədov İsmayıllı hadisələri ilə bağlı həbs olunublar.
Xatırladaq ki, Məmmədov və Yaqublu 2013-cü ilin yanvarında İsmayıllı şəhərində kütləvi iğtişaşların təşkili barədə saxta ittihamla həbs ediliblər və müvafiq olaraq 7 və 5 il müddətinə azadlıqdan məhrum ediliblər. -16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz